Maleko 3:9 - Tokelauan New Testament

⁹ Ona ko te tokalahi o te kaifenua, na lea ai ia Iehu ki ona hoko ke hāuni he vaka nā ia ia e komatia i tagata.

Maleko 3:9 Iomraidhean Croise

Mataio 15:39

Oi uga ai e Iehu ia tagata ke olo ki o lātou kāiga, ka kua hopo ki luga o he vaka ma fano ki te kogāfenua ko Makatana te igoa.

Maleko 4:1

Kua toe kāmata foki oi akoako atu e Iehu ia tagata i tafa o te Vaitūloto ko Kalilaia. Ona ko te tokalahi o te kaifenua kua fakapotopoto fakatāmilo mai ki ona tafa, na hopo ai ki he vaka ma nofo mai ai i luga i te tai, ka ko te kaifenua kua laulaututū ifo i te matāfaga.

Maleko 4:36

Oi olo kehe ai loa ki lātou mai te mea e i ei ia tagata; kua hohopo te kau hoko ki luga o te vaka ei luga ai ia Iehu, oi olo fakatahi ai. Nae i ei foki iētahi vaka nae olo fakatahi ki lātou.

Maleko 5:2

Ko te taimi lava na tū ake ai ia Iehu mai te vaka, kae fakafetaui atu ki ei he tamāloa e ulufia e he agaga kino; na hau i nā tugamau i te fenuatanu i kinā.

Maleko 5:30

Ko te taimi foki lava tēnā na lagona ai e Iehu te fanatu o tona mana mai ia te ia, oi liliu atu ai ki ona tua ki te kaifenua ma fehili vē atu, “Ko ai te na paki mai ki oku kofu?”

Maleko 6:32

Oi olo ai i he vaka nā ko ki lātou, ki he kogāfenua e tū fua.

Luka 5:1

I tētahi aho, ko Iehu nae tū i te matāfaga o te Vaitūloto ko Kenehaleta, kae kua nunu atu ia tagata ki a te ia, ke fakalogologo ki te kupu a te Atua.

Luka 5:3

Kua hopo ia Iehu ki luga o tētahi o nā vaka — e o Himona — kae lea ki a Himona ke hōhō mālie te vaka ki gātai mai te matāfaga. Oi nofo ai ki lalo i luga o te vaka ma akoako mai ki te kaifenua.

Ioane 6:15

Kua hāfia e Iehu ko nā tino ka ōmamai oi kave fakamālohi ia ke fai ma o lātou tupu; oi toe fano kehe ai, kua fano tautahi ki luga o he mauga.