Maleko 3:5 - Tokelauan New Testament

⁵ Oi fakaholoholo atu ai tana kikila ki nā tino i tona loto tīgā, ka kua ia lagona foki te alofa ona ko te hehē ma te makaka o nā loto o ki lātou. Oi vāgana atu ai ki te tamāloa, “Fakahako atu tō lima.” Kua fakahako te lima o te tamāloa, oi toe lelei ai.

Maleko 3:5 Iomraidhean Croise

Mataio 12:13

Oi vāgana atu ai ia Iehu ki te tamāloa e mate te lima, “Fakahako atu tō lima.” Kua fakahako te lima o te tamāloa oi toe lelei ai, kua vē lava ko tētahi ona lima.

Maleko 3:4

Oi fehili atu ai ia Iehu ki a te ki lātou, “He ā te fakataga i te tātou Tūlāfono ke fai i te Hāpati? Ko te fai o he mea ke fakahao ai he ola, pe ke fakauma ai?” Ka kua hēai he tino e vaivaia.

Luka 13:15

Oi tali atu ai te Aliki ki ei, “Ko koutou ni tagata āmio pepelo! E hē tatalā moni nei e he tino o koutou tana povi, pe ko tana āhini mai te falemanu i te Hāpati, ma takitaki kehe ke fakainu?

Luka 17:14

Kua kitea atu ki lātou e Iehu, oi lea vē atu ai ki ei, “Olo la oi fakaali outou tino ki nā ohitāulaga.” I te taimi na olo ai, na mālōlō ai lava.

Luka 6:10

Kua fakaholo atu tana kikila ki a te ki lātou uma, oi lea atu ai ki te tamāloa, “Fakahako atu tō lima” Kua vēnā ona fai e ia, oi toe lelei ai tona lima.

Ioane 9:7

ma lea vē atu ki ei, “Fano la oi fufulu ō mata i te Vaitākele ko Hiloma.” (“Ko te uiga o te kupu ‘Hiloma’ ko te ‘Uga’ ”) Oi fano ai te tamāloa kua fufulu ona mata, ma e liliu mai, kua kitea e ona mata.

Loma 11:25

Oku uho, e i ei te meamoni lilo e fofou au ke koutou iloa, ona e fehoahoani ke tāofiofi ai koutou mai te manatu ko koutou e popoto. Ko tēnei la; ko te loto makaka o tagata Ihalaelu e hē tūmau, ma e fātoā uma kāfai kua kātoatoa te nūmela o tagata nukukehe e ōmamai ki te Atua.

2 Kolinito 3:14

Kae ko o lātou māfaufau nae makaka; ma ke pa mai ki te aho nei, kāfai e faitau ki lātou ki te feagaiga tuai, e vē o lātou māfaufau koi pupuni lava i he kie ufimata, auā e fātoā mafai lava ke kave kehe te kie ufimata, pe kāfai te tino e ia talia ia Keliho.

Efeho 4:18

ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka.

Efeho 4:26

Kāfai koutou e ita, nahe kavea te koutou ita ma mea e agahala ai koutou, ma nahe fano te aho kātoa koi ita koutou.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

Epelu 3:10

Ma ko au na ita ki nā tino iēnā ma na lea vē ai au, ‘Ko nā loto o nā tino iēnei e fakahehēgia pea lava, ko hēki ki lātou iloa nā mea e fofou au ke ki lātou faia.’

Epelu 3:17

Ko ai te nae ita ki ei te Atua i nā tauhaga e fahefulu? Nae ita ki nā tino nae faia te agahala ma na mamate i te vao.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Fakaaliga 6:16

Kua taukalalaga atu ki lātou ki nā mauga ma nā papa, “Pakukū ifo ki o mātou luga ma mumuni ki mātou mai nā mata o tē e nofo i te nofoāliki, ma ke mumuni ai foki ki mātou mai te tōkahā o te Punuamāmoe!