Maleko 2:9 - Tokelauan New Testament

⁹ Tēfea te mea e faigōfie, ko toku lea ki te tino e mate tona tino kātoa, ‘Ko au agahala kua fakamāgalo,’ pe ko toku lea, ‘Tū ki luga, hiki tō moega, ma havali?’

Maleko 2:9 Iomraidhean Croise

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Mataio 9:2

Oi kaumai ai e nā tino ki a te ia he tamāloa e mate tona tino kātoa, i luga o he moega. Kua kitea e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”

Mataio 9:5

Tēfea te mea e faigōfie, ko toku lea, ‘Ko au agahala kua fakamāgalo,’ pe ko toku lea, ‘Tū ki luga oi havali?’

Maleko 2:10

Ka kō fakamāonia atu la ki a te koutou, e i te Ataliki o te Tagata te pule i te lalolagi nei, ke fakamāgalo ai nā agahala.” Oi lea atu ai ki te tamāloa e mate tona tino kātoa,

Maleko 2:8

I te taimi lava tēnā, na iloa ai e Iehu nā mea i o lātou māfaufau, oi vāgana atu ai ki ei, “He ā te māfaufau ai koutou ki ni mea vēnā?

Luka 7:48

Oi lea atu ai ia Iehu ki te fafine, “Ko au agahala kua fakamāgalo.”