Maleko 2:7 - Tokelauan New Testament

⁷ “E mafai vēhea e te tagata nei oi tautala vēia? Ko te fāifāi moni lava tēnei! Nā ko te Atua oioti lava te ia mafaia oi fakamāgalo nā agahala!”

Maleko 2:7 Iomraidhean Croise

Mataio 26:65

Oi hae ai e te Ulu Ohitāulaga ona kofu ma lea vē atu ki te Taupulega, “Ko te tino tēnei kua fāifāi ki te Atua. He ā te toe fofou ai ki tātou ki ni molimau? Kua fakalogo uma koutou ki ana kupu fāifāi ki te Atua.

Mataio 9:3

Ko iētahi faiakoga o te Tūlāfono kua lea vē ifo lava ki a te ki lātou, “Ko te tamāloa tēnei e tautala i nā kupu fāifāi ki te Atua.”

Maleko 14:64

Kua fakalogo uma koutou ki ana kupu fāifāi ki te Atua. He ā he koutou tonu?” Oi tonu ai ia te ki lātou uma ko Iehu kua hala ma kua tatau ke tāmate.

Maleko 2:6

Ko iētahi faiakoga o te Tūlāfono nae i kinā i te taimi tēnā, kua vē ifo i o lātou loto,

Maleko 2:8

I te taimi lava tēnā, na iloa ai e Iehu nā mea i o lātou māfaufau, oi vāgana atu ai ki ei, “He ā te māfaufau ai koutou ki ni mea vēnā?

Luka 5:21

Oi kāmata ai kua fakataufai nā faiakoga o te Tūlāfono ma te kau Falehaio, ma fehili vē, “Ko ai tēnei tagata e fai kupu fāifāi ki te Atua? Nā ko te Atua oioti lava te ia mafaia oi fakamāgalo nā agahala!”

Luka 7:49

Ko iētahi tino nae kakai ma ia, kua kāmata oi fakataufai vēia, “Ko ai tēnei tino ke ia mafai oi fakamāgalo nā agahala.”

Ioane 10:33

Kua tali mai nā tino Iutaia, “Ko koe e hē fia fetogia e ki mātou ona ni gāluega lelei e a koe na fai, kae ona ko koe kua fāifāi ki te Atua. Ko koe kua nā ko he tagata, kae ko koe e taumafai ke kavea koe ma Atua.”

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’