Maleko 2:5 - Tokelauan New Testament

⁵ I te kiteaga e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, ko au agahala kua fakamāgalo.”

Maleko 2:5 Iomraidhean Croise

Mataio 9:2

Oi kaumai ai e nā tino ki a te ia he tamāloa e mate tona tino kātoa, i luga o he moega. Kua kitea e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”

Mataio 9:22

Kua liliu mai ki tua ia Iehu ma ia kitea te fafine, oi lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” Ko te taimi lava tēnā na mālōlō ai te fafine.

Mataio 9:5

Tēfea te mea e faigōfie, ko toku lea, ‘Ko au agahala kua fakamāgalo,’ pe ko toku lea, ‘Tū ki luga oi havali?’

Maleko 2:6

Ko iētahi faiakoga o te Tūlāfono nae i kinā i te taimi tēnā, kua vē ifo i o lātou loto,

Maleko 5:34

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū. Ko koe kua mālōlō i tō tauale.”

Luka 5:20

Kua kitea e Iehu te lahi o to lātou fakatuatua, oi vāgana atu ai ki te tamāloa, “Te uho, ko au agahala kua fakamāgalo.”

Luka 8:48

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū.”

Ioane 2:25

E hē tau lea ake he tino ki a te ia e uiga ki a te ki lātou, auā kua uma te ia iloa o nā mea ei o lātou loto.

Ioane 5:14

Mulimuli ake, oi maua ai e Iehu te tamāloa i te Mālumalu ma vāgana atu ai ki ei, “Fakalogo lelei mai, ko koe kua mālōlō, nahe kē toe faia la te agahala, auā e i nā tupu hētahi mea ki a te koe e hili atu te kino.”

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Gāluega 14:9

Nae nofo i kinā ma fakalogologo ki nā kupu e tautala ai ia Paulo. Kua kitea atu e Paulo ko te tamāloa kua talitonu ma e mafai ke fakamālōlōgia, oi na kikila hako atu ai ki ei,

Gāluega 5:31

Kua fakaeke ake ia e te Atua ki tona itū taumatau ke fai ma Takitaki ma ke fai foki ma Fakaola, kae ke maua ai e te nuku o Ihalaelu te avanoa ke halamō ai, ma fakamāgalo ai mai a lātou agahala.

1 Kolinito 11:30

Ko te mea ia e fai vāivai ma tauaale ai te tokalahi o koutou, ma feoti ai iētahi.

2 Kolinito 2:10

Kāfai e fakamāgalo e koutou nā tino, e fakamāgalo foki koutou e au. Auā kāfai e kō fakamāgaloa — pe kāfai moni e i ei he mea e tatau ke kō fakamāgaloa ai — e fai e au i te fakatahi mai o Keliho ona ko koutou,

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

Kolohe 3:13

Ke maua e koutou te loto onohai o tētahi ki tētahi, ma kāfai e i ei he faitioga a he tino o koutou ki hētahi tino, ke maua e koutou te agaga fakamāgalo i ho he taimi. E tatau ke fakamāgalo tētahi ki tētahi, e vē oi fakamāgalo koutou e te Aliki.

Iakopo 5:15

Ko te tatalo tēnei o te fakatuatua ka fakamālōlō ai nā tauale; ka fakafoki e te Aliki to lātou mālohi, ma fakamāgalo e ia a lātou agahala.