Maleko 2:12 - Tokelauan New Testament

¹² Oi tū loa lava te tamāloa ki luga, kua hiki tona moega ma fano kehe vave, ka koi kikila atu ki ei nā tino. Na taufai ofo ki lātou uma lele ma viviki ake ki te Atua ma lea vē, “E hēki ki mātou kiteagia lele he mea vēnei!”

Maleko 2:12 Iomraidhean Croise

Mataio 12:23

Na ofo lele te kaifenua uma ki te mea kua fai e Iehu, ma lea vē, “E hē ko te Ataliki nei tēnei o Tavita?”

Mataio 15:31

Na ofo lele ia tagata i te kiteaga e ki lātou kua tautatala nā gūgū, kua mālolohi nā tino nae hē kātoatoa te mālohi, kua havavali nā pipili, ma kua pupula nā mata o nā tāuaho; oi viviki ake ai ki lātou ki te Atua o Ihalaelu.

Mataio 9:33

Ma na uma loa lava te tuli o te tēmoni ki fafo, oi kāmata loa oi tautala te gūgū, ma na ofo lele ai nā tino uma ma vē ake te lātou kupu, “E hēki ki mātou kitea lele he mea vēnei ke tupu i Ihalaelu!”

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Maleko 1:27

Na ofo lele ia tagata uma ma kāmata ai kua fakataufai ma lea vē tētahi ki tētahi, “He ā tēnei? He akoakoga fou nei? E pa foki ki nā agaga kino e ia fakatonua, oi e uhitaki foki lava ki a te ia!”

Maleko 2:11

“Ko au e lea atu ki a te koe, tū ki luga, hiki tō moega, ma fano ki tō kāiga!”

Luka 13:13

Kua fakauta atu ona lima ki luga o te fafine, ma ko te taimi lava tēnā na tū hako ake ai loa ki luga te fafine, ma viviki ake ki te Atua.

Luka 17:15

I te kiteaga e tētahi o ki lātou ko ia kua mālōlō, oi toe liliu mai ai, ma viviki ake ki te Atua i te leo lahi.

Luka 5:26

Na taufai ofo ki lātou uma lele, ma viviki ake ki te Atua. Kua fakatumulia foki ki lātou i te mātataku, ma kua lea vē, “Kai te ofoofogia o nā mea kua kitea e ki mātou i te aho nei!”

Luka 7:16

Na mātataku uma lele ki lātou, ma viviki ake ai ki te Atua. Kua lea vē ki lātou, “Ko he pelofeta tāua tēnei kua kikila ki tātou ki ei! Ko te Atua kua hau ke fakaola ona tagata!”

Ioane 7:31

Kae e tokalahi nā tino i te kaifenua kua talitonu ki a te ia ma lea vē, “Kāfai te Mehia e hau, ei na ka lahi atu nei nā fakailoga e ia faia i lo te tagata tēnei?”

Ioane 9:32

Mai te kāloā, e hēki fakalogo lele na kua i ei he tino e ia fakapupulagia ni mata o he tino na fānau mai lava e tāuaho.

Gāluega 4:21

Oi toe lapataki mālohi ai te Taupulega ki te toka lua, ma tuku ai ke olo. Kua ki lātou kitea e hē ki lātou mafaia oi fakahala te toka lua, auā ko tagata uma kua viviki ki te Atua ona ko te mea na tupu.