Maleko 12:9 - Tokelauan New Testament

⁹ Kua fehili atu ia Iehu, “He ā nei ta te tino e o ia te tōvine ka fai? Ka hau nei oi tāmate nā nofolihi iēnā, ma tuku atu te tōvine ki ni iētahi tino.

Maleko 12:9 Iomraidhean Croise

Mataio 12:45

Oi fano ai oi kaumai iētahi agaga e fitu e hili atu to lātou kino i lo ia, oi nonofo ai i kinā. E iku ake, kua hili atu te kino lahi o te tūlaga kua pa ia ki ei, i lo te mea nae i ei ai muamua. E vēnei foki lava te mea ka pa ki ei nā tino kino i nā aho nei.”

Mataio 21:34

Kua pa ki te taimi e tau ai te tōvine, oi uga ai e ia ana kaukauna ki nā nofolihi, ke kaumai tona vāega o te helehelega.

Mataio 21:43

Kua toe vāgana atu ia Iehu, “Ko te mea ia e lea atu ai au ki a te koutou, ko nā fakamanuiaga e maua mai i te pule a te Atua ka kave kehe mai ia te koutou ma fōki ki nā mālō e ki lātou faia te finagalo o te Atua.”

Mataio 22:7

Kua ita lahi lele te tupu; oi na uga ai e ia ana fitafita, ma na ki lātou fakaumatia nā tino tāmate tino iēnei, ma huhunu to lātou kakai.

Maleko 12:10

E hēki faitau nei koutou ki te tuhituhiga paia e lea mai: ‘Ko te fatu na tīaki e nā faufale e hē aogā, kua kavea ma fatu e pito hili atu ona tāua.

Maleko 12:8

Oi puke ai e ki lātou te ataliki ma tāmate, oi togi ai tona tino ki fafo o te tōvine.”

Luka 19:27

Kae vē la ki nā fili o oku nae hē fofou ke kavea au ma o lātou tupu, kaumai ki kinei ki oku mua oi tāmate ai!’ ”

Loma 10:20

Ma e hili atu la te mālohi o te fakakupuga e Ihaia o te kupu a te Atua i te leaga vē: “Ko au na maua e nā tino nae hē ki lātou hakilia au; Na fakakitea au ki a te ki lātou nae hē fehili e uiga ki a te au.”