Maleko 10:2 - Tokelauan New Testament

² Oi ōmamai ai te kau Falehaio, kua taumafai ke tofotofo ia Iehu i he fehili. Kua fehili vē atu ki lātou ki a te ia, “Taku mai ake, e fakataga nei i te tātou Tūlāfono he tamāloa ke tatala e ia tana āvaga?”

Maleko 10:2 Iomraidhean Croise

Mataio 15:12

Oi ōmai ai te kau hoko ki a Iehu kua lea vē atu ki ei, “E kē iloa te tīgā o nā loto o te kau Falehaio ki nā mea nae lea ai koe?”

Mataio 16:1

Ko iētahi o te kau Falehaio ma te kau Hatukaio kua ōmamai ke tofotofo ia Iehu, oi na lea ai ki ei ke fai he fakailoga ofoofogia mo ki lātou, ke iloa ai pe kua ia te ia moni te pule mai te Atua.

Mataio 19:3

Oi ōmai ai te kau Falehaio, kua taumafai ke tofotofo ia Iehu i he fehili. Kua lea vē atu ki lātou, “E fakataga nei i te tātou Tūlāfono he tamāloa ke tatala e ia tana āvaga i ho he māfuaaga e fofou ia ki ei?”

Mataio 22:35

ma ko tētahi o ki lātou, he faiakoga o te Tūlāfono, kua fai tana fehili ke tofotofo ai ia Iehu.

Mataio 23:13

“Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Mataio 9:34

Kae kua lea vē te kau Falehaio, “Ko te takitaki o tēmoni te ia fōkia ki a Iehu te pule ke tuli ai ki fafo nā tēmoni.”

Maleko 10:1

Oi fano kehe ai ia Iehu i te kogāfenua tēnā, kua fano agai ki te itūmālō o Iutea, oi aha ai ki tētahi itū o te vaitafe ko Iolitana. E tokalahi foki he kaifenua kua toe lolofi atu ki ei, oi akoako atu ai ki lātou e ia, e vē lava ko tana māhani.

Maleko 10:3

Na tali atu ia Iehu i he fehili, kua lea vē atu, “E vēhea te tūlāfono na tuku atu e Mohe ki a te koutou?”

Maleko 8:11

Kua ōmamai ni tino o te kau Falehaio ki a Iehu ma kāmata fīnau ki ei. Nae fofou ke ki lātou tofotofoa ia Iehu, oi na lea ai ki ei ke fai he fakailoga ofoofogia ke iloa ai pe kua ia te ia moni te pule mai te Atua.

Maleko 8:15

Kua apoapoaki atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio, ma te mea fakafefete a Helota.”

Luka 11:39

Oi vāgana atu ai te Aliki ki ei, “Ko koutou te kau Falehaio, e fufulu e koutou ia fafo o autou iputi ma autou ipukai, kae ko loto e tumu i nā uiga fakahāuā ma te āmio kino.

Luka 16:14

I te lagona atuga o nā mea uma iēnei e te kau Falehaio, oi fai ai a lātou kupu fakatauemu ki a Iehu, auā ko ki lātou ni tino e fiafia ki nā tupe.

Luka 5:30

Ko iētahi o te kau Falehaio ma iētahi o faiakoga o te Tūlāfono, kua faitio ki ona hoko. Kua lea vē atu ki ei, “He ā te kakai ma inu fakatahi ai koutou ma nā aolāfoga ma iētahi tino inohia?”

Luka 6:7

Nae i ei ni faiakoga o te Tūlāfono ma ni Falehaio nae hakilikili ke ki lātou mōliagia ia Iehu i hana holitūlāfono, oi nae tautuku lelei e ki lātou pe i na fakamālōlō e ia he tino i te Hāpati.

Luka 7:30

Kae kua teteke e te kau Falehaio ma nā faiakoga o te Tūlāfono, te fuafuaga a te Atua mo ki lātou, ma e hēki ki lātou talia ai ke papatiho ki lātou e Ioane.

Ioane 11:47

Oi na fono ai te kau Falehaio ma nā ohitāulaga hili fakatahi ma te Taupulega, ma kua lea vē ki atu lātou, “He ā ta ki tātou ka fai? Kikila ki te lahi o nā fakailoga kua fai e te tagata tēnei!

Ioane 11:57

Oi fai ai te fakatonuga a nā ohitāulaga hili ma te kau Falehaio, ho he tino e ia iloa te mea e i ei ia Iehu, e tatau ke fakailoa ake, kae ke mafai ai e ki lātou oi puke.

Ioane 7:32

Kua lagona a nā Falehaio nā mea e tautatala muhumuhu ai nā tino e uiga ki a Iehu, oi fakatonu ai e ki lātou ma nā ohitāulaga hili nā fitafita, ke puke ia Iehu.

Ioane 7:48

“E koutou iloa pe na kua i ei he takitaki e fokotahi o Iutaia, pe he Falehaio, e talitonu ki a te ia?

Ioane 8:6

Na lea vēnei ki lātou ke māilei ai ia Iehu, ma ke ki lātou mōlia ai ki te tūlāfono. Kae kua punou ki lalo ia Iehu ma tuhituhi i tona muamuālima ki luga o te kelekele.

1 Kolinito 10:9

E hē tatau ke tuku atu e ki tātou ia Keliho ki te tofotofoga, e vē oi fai e iētahi o ki lātou — na fakaumatia ki lātou e nā gata.