Maleko 10:1 - Tokelauan New Testament

¹ Oi fano kehe ai ia Iehu i te kogāfenua tēnā, kua fano agai ki te itūmālō o Iutea, oi aha ai ki tētahi itū o te vaitafe ko Iolitana. E tokalahi foki he kaifenua kua toe lolofi atu ki ei, oi akoako atu ai ki lātou e ia, e vē lava ko tana māhani.

Maleko 10:1 Iomraidhean Croise

Mataio 26:55

Oi vāgana atu ai ia Iehu ki te kaifenua, “Ko au nei he tino kaihohoa kua ōmamai ai koutou ma nā pelu ma nā pōvai oi puke au? I aho uma ko au e nofo i loto o te Mālumalu ma akoako atu ki tagata, kae e hēki koutou pukea au i kinā.

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Maleko 1:21

Kua taunuku atu ki lātou ki Kapenaumi, ma i te Hāpati na hohoko ai, na fano ai ia Iehu ki te hūnako ma akoako atu ki tagata.

Maleko 10:2

Oi ōmamai ai te kau Falehaio, kua taumafai ke tofotofo ia Iehu i he fehili. Kua fehili vē atu ki lātou ki a te ia, “Taku mai ake, e fakataga nei i te tātou Tūlāfono he tamāloa ke tatala e ia tana āvaga?”

Maleko 12:35

Ka koi akoako atu ia Iehu i loto o te Mālumalu, oi fehili vē atu ai, “E vēhea ona lea nā faiakoga o te Tūlāfono ko he lāpuna e o Tavita te ka kavea ma Mehia?

Maleko 14:49

I aho uma ko au e fakatahi ma koutou i loto o te Mālumalu ma akoako atu ai e au ia tagata, kae e hēki koutou pukea au i kinā. Kae e fakataunuku lava nā mea kua tūhia i nā Tuhituhiga Paia.”

Maleko 2:13

Kua toe fano ia Iehu ki te matāfaga o te Vaitūloto ko Kalilaia. E tokalahi nā tino na ōmamai ki a te ia, oi akoako atu ai e ia ki lātou.

Maleko 4:2

Na fakaaogā e ia nā talafakatuha ke akoako atu ai ki lātou i nā mea e lahi. Kua lea vē atu ki a te ki lātou,

Maleko 6:2

Kua pa ki te Hāpati oi kāmata ai kua akoako atu ia Iehu i te hūnako. Nae tokalahi nā tino nae i ei; i te ki lātou lagonaga o nā akoakoga a Iehu, na taufai ofo uma ma fehili vē, “Ko fea nei te na maua mai ai e te tagata nei iēnei mea uma? He poto vēhea tēnei kua ia mauagia? E vēhea nei te faiga o ana vāvega?

Maleko 6:34

Koi fanake ia Iehu ki gāuta mai te vaka, kae ia kitea atu te tokalahi o te kaifenua, oi na tumu ai tona loto i te alofa ki a te ki lātou, auā e vē ki lātou ni māmoe e hēai ho lātou leoleomāmoe. Na kāmata loa oi akoako atu e ia nā mea e lahi.

Maleko 6:6

Ma na ofo lele ia Iehu ki te hē fakatuatua o tagata. Oi fano ai ki nā nuku i te kogāfenua tēnā, ma akoako atu ki tagata.

Ioane 10:40

Oi toe fano ia Iehu ki tētahi itū o te Vaitafe ko te Iolitana, ki te mea nae fai ai te papatihoga a Ioane, ma nofo ai i kinā.

Ioane 11:7

Oi vāgana atu ai ia Iehu ki nā hoko o ia, “Tātou toe olo ki Iutea.”

Ioane 18:20

Kua tali atu ia Iehu, “Ko au e tautala pea lava i mua o tagata; ma ko aku akoakoga e fai lava i loto o nā hūnako ma loto o te Mālumalu, nā mea e fakapotopoto ki ei nā tino Iutaia uma. E hēai he mea kua lea ai au, e mumunia i nā tino.