Luka 7:7 - Tokelauan New Testament

⁷ pe ko toku fanatu foki ki a te koe. Kae tau lava ko hau kupu, ma ka mālōlō ai taku kaukauna.

Luka 7:7 Iomraidhean Croise

Maleko 1:27

Na ofo lele ia tagata uma ma kāmata ai kua fakataufai ma lea vē tētahi ki tētahi, “He ā tēnei? He akoakoga fou nei? E pa foki ki nā agaga kino e ia fakatonua, oi e uhitaki foki lava ki a te ia!”

Luka 4:36

Na ofo lele ia tagata uma, ma kua lea vē tētahi ki tētahi, “Ni itūkāigā kupu a iēnei? Ko te tagata tēnei e ia te ia te pule ma te mana, ma e ia fakatonua nā agaga kino, ma ōmamai ai lava ki fafo!”

Luka 5:13

Oi papae atu ai ia Iehu, kua paki atu tona lima ki te lēpela ma lea vē atu, “Ko au e loto ki ei. Mamā loa!” Ma ko te taimi lava tēnā na teka ai te lēpela mai ia te ia.

Luka 7:6

Oi fano ai ia Iehu kua olo ma nā toeaina. Kua hē mamao ia Iehu ma te fale, kae uga mai e te takitakikau ni uō e a ia, ke lea vē ki ei, “Te Aliki, koe nahe fakafītā. Ko au ko he tino fakatauva ma e hē talafeagai ke ulu koe ki loto o toku fale,

Luka 7:8

Auā ko au foki ko he tino kua tuku ki lalo o te pule a nā takitakikau e maualuluga atu ia te au, ma e i ei foki nā fitafita ei lalo o taku pule. Ma kāfai au e lea ki te tino te, ‘Fano vē!’ oi e fano; kāfai au e lea ki tētahi tino, ‘Hau!’ oi e hau foki; ma kāfai au e lea ki taku kaukauna, ‘Fai te mea te!’ oi e vēnā lava oi fai e ia.”