Luka 7:16 - Tokelauan New Testament

¹⁶ Na mātataku uma lele ki lātou, ma viviki ake ai ki te Atua. Kua lea vē ki lātou, “Ko he pelofeta tāua tēnei kua kikila ki tātou ki ei! Ko te Atua kua hau ke fakaola ona tagata!”

Luka 7:16 Iomraidhean Croise

Mataio 15:31

Na ofo lele ia tagata i te kiteaga e ki lātou kua tautatala nā gūgū, kua mālolohi nā tino nae hē kātoatoa te mālohi, kua havavali nā pipili, ma kua pupula nā mata o nā tāuaho; oi viviki ake ai ki lātou ki te Atua o Ihalaelu.

Mataio 21:11

“Ko te pelofeta tēnei ko Iehu, mai Nahaleta i Kalilaia,” kua tali vē mai te kaifenua na ōmamai fakatahi ma Iehu.

Mataio 28:8

Oi olo kehe vave ai loa ki lāua mai te tugamau ma te mātataku, kae na fakatumulia foki ki lāua i te fiafia lahi, ma kua fētutuli oi taku ki ona hoko.

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Luka 1:65

Na fakatumulia nā tino uma i te pitonuku tēnā i te mātataku, ma kua halalau te tala e uiga ki nā mea iēnei ki nā itū uma o te kogāfenua maugā o Iutea.

Luka 1:68

“Ke vīkia te Aliki, te Atua o Ihalaelu! Kua hau ke fakaola ona tagata.

Luka 19:44

Ka ki lātou tuki momoia koe ki lalo, ko koe ma au fānau i loto i ō pa; ka hēai he fatu e fokotahi e ki lātou fakatotoea i luga o he tahi fatu, auā e hēki iloa e koe te taimi na āhiāhi mai ai te Atua, ke laveaki koe!”

Luka 2:20

Oi toe fōki ai nā leoleomāmoe ma pepehe i nā vīkiga o te Atua, ona ko nā mea uma lele na fakalogo ma kikila ki lātou ki ei, e vē lava oi lea ake ai te agelu.

Luka 24:19

Kua fehili atu ia Iehu, “Ni mea ā?” Kua tali atu ki lāua, “Na mea na tutupu ki a Iehu te Nahaleta. Na kitea i ana mea nae fai, ma ana kupu, ko ia ko he pelofeta e tūkehe te mālohi, ma nae fiafia ki ei te Atua ma tagata uma.

Luka 5:26

Na taufai ofo ki lātou uma lele, ma viviki ake ki te Atua. Kua fakatumulia foki ki lātou i te mātataku, ma kua lea vē, “Kai te ofoofogia o nā mea kua kitea e ki mātou i te aho nei!”

Luka 5:8

I te kiteaga e Himona Petelu o te mea tēnei kua tupu, oi tōtuli ifo ai i mua o Iehu ma lea vē atu, “Te Aliki, fano kehe ko ma au, auā ko au ko he tino agahala!”

Luka 7:15

Na nofo ake loa ki luga te tamāloa na oti ma kāmata oi tautala, oi tuku atu ai e Iehu ki tona mātua.

Luka 7:39

I te kitea atuga e te Falehaio o te mea tēnei, oi lea vē ifo ai i tona loto, “Kāfai e moni ko te tagata tēnei he pelofeta, kua tatau ke ia iloa pe ko ai te fafine tēnei, kae pe he itūkāigā fafine vēhea foki tēia e pa ake ki a te ia; kua tatau ke ia iloa ko te fafine e ola i he ōlaga agahala!”

Luka 8:37

Oi lea ai nā tino uma na ōmamai i te kogāfenua tēnā ki a Iehu, ke fano kehe, auā ko ki lātou kua mātataku lahi lele. Oi hopo ai ia Iehu ki te vaka, ma fanokehe mai kinā.

Luka 9:19

Kua tali mai ki lātou, “Ko Ioane te Papatiho; kae ko iētahi tino e lea ko koe ko Elia, ka ko iētahi e lea ko koe he tino o te kau pelofeta mai te kāloā, kua toe ola mai.”

Ioane 1:21

“Ko ai la koe?” kua fehili vē mai ki lātou. “Ko koe nei ko Elia?” “Hēai, e hē ko au,” kua tali atu ia Ioane. “Ko koe nei la ko te Pelofeta?” kua lea mai ki lātou. “Hēai,” kua tali atu ia Ioane.

Ioane 1:25

kua fehili vē atu ki a Ioane, “He ā la te papatiho ai e koe nā tino kāfai ko koe e hē ko te Mehia, pe ko Elia pe ko te Pelofeta?”

Ioane 4:19

Kua lea atu te fafine, “Te aliki, ko taku kikila atu, ko koe ko he pelofeta.

Ioane 6:14

I te kiteaga e nā tino te fakailoga na fai e Iehu, oi lea vē ai ki lātou, “E hako lava ko te Pelofeta tēnei na tuku e hau ki te lalolagi!”

Ioane 9:17

Oi toe fehili ai foki te kau Falehaio ki te tamāloa, “He ā hau fakamatalaga e mafai ke fai e uiga ki te tino e lea koe na ia fakapupulagia ō mata?” “Ko te tino ko he pelofeta,” kua tali atu te tamāloa.

Gāluega 5:5

Na lagona atu lava e Anania te fakakupuga tēnei, oi pakū loa lava ki lalo kua mate; ko nā tino uma na fakalogo ki te mea tēnei na mātataku lahi lele.

Gāluega 7:37

Ko Mohe te tino na lea vē ki tagata Ihalaelu, ‘Ka uga mai e te Atua he pelofeta, e vē lava oi ia uga maia au, he tino lava mai outou tagata.’

Kalatia 1:24

Oi na viviki ake ai ki lātou ki te Atua ona ko au.