Luka 3:3 - Tokelauan New Testament

³ Oi fano ai ia Ioane ki nā kogāfenua uma e pili ki te Vaitafe ko te Iolitana, oi folafola atu ki tagata, kua lea vē atu, “Liliu kehe mai autou agahala ma papatihogia ke iloa ai ko koutou kua halamō moni, oi fakamāgalo ai e te Atua autou agahala.”

Luka 3:3 Iomraidhean Croise

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Luka 1:16

ma ka ia toe fakaliliu maia te tokalahi o tagata Ihalaelu, ki te Aliki to lātou Atua.

Luka 1:77

ma fakailoa atu ki ona tagata te fakaolataga, e ala i te fakamāgaloga o a lātou agahala.

Luka 4:1

Kua toe foki ifo ia Iehu mai te Iolitana, ma kua fakatumulia i te Agaga Paia; oi tataki ai e te Agaga ki te vao,

Ioane 1:28

Ko nā talatalanoaga iēnei, nae fai i Petania i te itū i hahae o te Vaitafe ko Iolitana, te mea nae fai ai te papatihoga a Ioane.

Ioane 3:26

Oi olo ai ki a Ioane ma lea vē atu ki ei, “Te Faiakoga, e kē iloa te tino nae fakatahi koulua i te itū ki hahae o te Iolitana, tēia na molimau koe e uiga ki ei? E fai nei tana papatihoga, ma kua gāholo uma atu ki ei ia tagata.”

Gāluega 13:24

Kae ko hēki kamatagia te gāluega a Iehu, ka kua tālaki e Ioane ki tagata e tokalahi o Ihalaelu, ke liliu kehe mai a lātou agahala, ma ke papatihogia.

Gāluega 19:4

Kua lea atu ia Paulo ki ei, “Ko te papatihoga a Ioane, e mo ki lātou kua liliu kehe mai a lātou agahala; ma na lea foki ia Ioane ki tagata o Ihalaelu ke talitonu ki te tino e hau mulimuli mai ia te ia — ko tona uiga, ko Iehu.”

Gāluega 22:16

He ā la te koi fakatali ai koe? Tū loa ki luga ma papatihogia ma tatalo ki te Aliki ke fakamamā koe mai au agahala.’