Luka 3:1 - Tokelauan New Testament

¹ I te hefululima o tauhaga talu te nofoakiga a Kaihala Tipelia; ko Ponitiō Pilato te kōvana o Iutea, ka ko Helota te tupu o te itūmālō o Kalilaia, ma ko tona uho ko Filipo, ko te tupu o te itūmālō o Itoulaia ma Talakonaito; ko Luhania te tupu o Apilene,

Luka 3:1 Iomraidhean Croise

Mataio 14:1

Ko te taimi tēnā, na logotala ai ia Helota te tupu o Kalilaia ki nā mea ofoofogia a Iehu nae fai.

Mataio 14:3

Auā na fakatonu e Helota ke puke fakapagotā ia Ioane ma noanoa, oi togi ai ki loto o te falepuipui. Na fai e ia te mea tēnei mo Helotia te āvaga a tona uho ko Filipo,

Mataio 14:6

I te fakamanatuga o te aho fānau o Helota, na hiva ai te tamateine a Helotia i mua o te tupu ma te kau valakaulia uma. Na fiafia lahi lele ai ia Helota,

Mataio 22:17

Lea mai ake la pe he ā hō lagona? E fakataga i te tātou Tūlāfono ke totogi nā lāfoga ki a Kaihala pe hēai?”

Mataio 27:2

Oi fakatonu ai e ki lātou ke noanoa ia Iehu ma takitaki kehe mai kinā, ma tukulima atu ki a Pilato te kōvana Loma, ke fakamahino e ia.

Maleko 6:17

Auā na fakatonu e Helota ke puke fakapagotā ia Ioane ma noanoa i loto o te falepuipui. Na fai e ia te mea tēnei ona ko Helotia te āvaga a tona uho ko Filipo, kua fai ma ana āvaga.

Maleko 6:21

Kae iku ake, na maua te avanoa o Helotia ke tāmate ai ia Ioane. Kua pa ki te aho fānau o Helota, oi fai ai e ia he kaiga na fakatahi atu ki ei nā ulu o te mālō, nā ulu takitakikau, ma nā ulu o nofonofoga a tagata i Kalilaia.

Luka 13:31

I te taimi lava tēnā na ōmamai ai iētahi Falehaio ki a Iehu, ma lea vē mai ki ei, “Fano kehe ma kinei, auā ko Helota e fofou ko koe ke tāmate.”

Luka 2:1

Ko nā aho lava iēnā, na fai ai te fakatonuga a te Kaihala Aukuho, ke fai he tuhigāigoa a tagata uma o te lalolagi, e i lalo o te pūlega a Loma.

Luka 23:24

Oi na fai ai loa e Pilato te fakahalaga o Iehu, e vē lava ko te mea na fofou ki ei te kaifenua.

Luka 3:19

Kae na munaia e Ioane te tupu ko Helota, ona ko Helotia te āvaga a tona uho, ma te lahi o iētahi ana āmio kino nae fai.

Luka 9:7

I te lagonaga e Helota te tupu o Kalilaia, nā mea uma iēnei kua tutupu, oi na fakahētonu lele ai tona māfaufau, ona e i ei ni tino na lea, ko Ioane te Papatiho kua toe ola mai.

Gāluega 23:26

“Mai ia Kalautio Luhia ki te Afioga a Felika te kōvana: E fakatālofa atu ki a te koe.

Gāluega 24:27

Kua teka te lua tauhaga, oi hui ai ia Felika e Pokiono Fehetone ke fai ma kōvana. Ko te fialelei o Felika ki nā tino Iutaia, na ia tukua ai ia Paulo i te falepuipui.

Gāluega 26:30

Oi tutū ai ki luga te tupu, te kōvana, ko Pelenike, ma iētahi tino uma lele,

Gāluega 4:27

Auā e moni lava ko Helota ma Ponitiō Pilato na potopoto fakatahi i te kakai tēnei ma tagata nukukehe vēnā ma tagata o Ihalaelu, ke teteke ki tau Kaukauna paia ko Iehu na kē fakaukuagia ke kavea ma Mehia.