Luka 21:3 - Tokelauan New Testament

³ Oi lea atu ai ia Iehu, “E takutino atu e au ki a te koutou, e hili atu te lahi o te tāulaga a te fafine mativa tēnei, i lo iētahi tino uma lele.

Luka 21:3 Iomraidhean Croise

Luka 12:44

E takutino atu e au ki a te koutou, ka tōfia ia e tona matai ke pule i ana mea uma lele.

Luka 21:2

Na ia kitea atu foki he fafine mativa kua oti tana āvaga, kua tuku e ia ki loto ni tupe apamemea e lua.

Luka 21:4

Auā ko iētahi tino na ki lātou ofo atua ma tāulaga, mai nā tupe totoe e lahi mai to lātou tamaokāiga; ka ko te fafine tēnei, e ui lava i tona mativa, kae na ofo atu e ia ana mea uma nae fakamoemoe e ola ai.”

Luka 4:25

“Kae ko te meamoni, nae tokalahi ia fafine kua oti a lātou āvaga i Ihalaelu i nā aho o Elia, i te taimi na hēki i ei ai he ua e to i te tolu ma te āfa tauhaga, ma na oge lahi lele ai te fenua kātoa.

Luka 9:27

Kae e lea atu au ki a te koutou, e i ei nā tino ka ki lātou kiteagia te Mālō o te Atua, ka ko hēki feoti ki lātou!”

Gāluega 10:34

Ma na kāmata ai oi tautala vēnei atu ia Petelu: “Kua mautinoa e au i te taimi nei ko te Atua e hē fakapito ki he tino.

Gāluega 4:27

Auā e moni lava ko Helota ma Ponitiō Pilato na potopoto fakatahi i te kakai tēnei ma tagata nukukehe vēnā ma tagata o Ihalaelu, ke teteke ki tau Kaukauna paia ko Iehu na kē fakaukuagia ke kavea ma Mehia.

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.