Luka 2:9 - Tokelauan New Testament

⁹ Oi kitea ai e ki lātou he agelu a te Aliki, ma kua huluia fakatāmilo ki lātou i te mamalu o te Aliki. Na mātataku lahi lele ki lātou,

Luka 2:9 Iomraidhean Croise

Mataio 1:20

Ka koi māfaufau vēnei ia Iohefa, kae kua fakaali ki ei he agelu a te Aliki i he miti, e lea vē, “Iohefa te lāpuna o Tavita, ia koe nahe mataku oi kavea ia Malia ma au āvaga. Auā ko tana to e mai i te mana o te Agaga Paia.

Luka 1:28

Kua fanatu te agelu ki te mea e i ei ia Malia, oi lea vē atu ai ki ei, “Tālofa ni te māfine, tē kua alofagia e te Atua. Ko te Aliki e fakatahi ma koe!”

Luka 2:8

Nae i te kogāfenua foki tēnā ni leoleomāmoe, nae taukikila a lātou māmoe i te vao, i te pō tēnā.

Luka 24:4

Oi tutū ai i kinā, kua hē ki lātou hāfia te uiga o te mea tēnei, kae nā lava e teki ni tamāloa e toka lua kua tutū i o lātou tafa, ma ko o lā kofu e huhulu pupula.

Ioane 12:41

Na lea vēnei ia Ihaia auā na kitea e ia te mamalu o Iehu, ma nae tautala ki tagata e uiga ki ei.

Gāluega 12:7

Kae nā lava e teki ko he agelu a te Aliki kua tū mai, ma he mālamalama kua huhulu i loto o te potu e i ei ia Petelu. Kua haehae atu te agelu ki te takuau o Petelu, oi ala ai ia Petelu, ma kua lea vē atu te agelu ki ei, “Faivave! Tū loa ki luga!” Ko te taimi lava tēnā na pakukū kehe ai nā filifili nae i ona lima.

Gāluega 27:23

Auā ko anapō na hau ai he agelu a te Atua, tē e a ia au, ma e tāpuaki au ki ei

Gāluega 5:19

Kae i te pō, na hau ai he agelu a te Aliki oi tatala nā faitotoka o te falepuipui ma takitaki te kau apohitolo ki fafo, oi lea vē atu ai te agelu ki a te ki lātou,

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

Epelu 12:21

Ko te mea na tutupu i te Mauga o Hinai na matuā fakamātakutaku lele ma na lea vē ai ia Mohe, “Ko au e tete i te mataku.”

Fakaaliga 18:1

Kua uma te mea tēnei, oi kō kitea atu ai he agelu e fanaifo ki lalo mai te lagi. Nae ia te ia he pule lahi, ma ko tona huhulu na māinafia ai te lalolagi kātoa.

Fakaaliga 20:11

Oi kō kitea atu ai he nofoāliki lahi lele e lanu paepae ma he tino e nofo ai. Kua mou kehe atu te lagi ma te lalolagi i te mea e i ei ia, ma e hēki toe kitea lele.