Luka 2:1 - Tokelauan New Testament

¹ Ko nā aho lava iēnā, na fai ai te fakatonuga a te Kaihala Aukuho, ke fai he tuhigāigoa a tagata uma o te lalolagi, e i lalo o te pūlega a Loma.

Luka 2:1 Iomraidhean Croise

Mataio 22:17

Lea mai ake la pe he ā hō lagona? E fakataga i te tātou Tūlāfono ke totogi nā lāfoga ki a Kaihala pe hēai?”

Mataio 24:14

Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma oi fātoā pa mai ai loa te gataaga.

Maleko 14:9

E takutino atu e au ki a te koutou, ho he mea lava e tālaki ai te tala lelei tēnei i te lalolagi kātoa, ko te mea na fai e te fafine, ka fakailoa ki tagata ke manatua ai pea lava ia.”

Maleko 16:15

Oi vāgana atu ai ki a te ki lātou, “Olo ki itū uma o te lalolagi oi tālaki atu te Tala Lelei ki tagata uma.

Luka 2:3

Oi olo ai nā tino uma lele, kua fano lava te tino ki te kakai na fānau mai ai, oi tuhi ai tona igoa.

Luka 2:5

Na olo ma Malia, tēia kua uma te fakamau ke fakaipoipo ki ei, ke tuhi o lā igoa. Ko Malia kua faitama.

Luka 3:1

I te hefululima o tauhaga talu te nofoakiga a Kaihala Tipelia; ko Ponitiō Pilato te kōvana o Iutea, ka ko Helota te tupu o te itūmālō o Kalilaia, ma ko tona uho ko Filipo, ko te tupu o te itūmālō o Itoulaia ma Talakonaito; ko Luhania te tupu o Apilene,

Gāluega 11:28

Ko tētahi o ki lātou iēnei ko Akapo, na tū ki luga ma fai tana vāloaga e ala i te mana o te Agaga Paia, ko he oge lahi e tuku e pa mai ki te lalolagi kātoa. (Na tupu te oge tēnei i nā aho o te pūlega a te Kaihala Kalautiona.)

Gāluega 25:11

Kāfai kua kō holia te tūlāfono ma faia he mea kua tatau ai au ke fakahala i te oti, ko au e hē lea atu ke fakahao au mai te oti. Kae kāfai ko oku mōliga kua ki lātou faia e hē fakamāonia, oi e hēai he tino e ia mafaia oi tuku atu au ki o lātou lima. Ko au la e fakatagi atu ke kave au ke fakamahino e te Kaihala.”

Gāluega 25:21

Kae kua kaumai tana fakatagi ke tuku pea ia ki lalo o te leoleoga a nā fitafita, ma ke kave ia ke fakamahino e te Kaihala. Oi na fakatonu ai e au nā fitafita ke leoleo ia Paulo ke pa ki te aho kua fuafua e au, e kave ai ki te Kaihala.”

Loma 1:8

Muamua, ko au e fakafetai ki toku Atua mo koutou uma lele e ala ia Iehu Keliho, auā ko te koutou fakatuatua kua iloa e te lalolagi kātoa.

Filipi 4:22

E fakafeiloaki atu foki nā tino uma o te Atua i kinei, kae maihe lava ki lātou e i te fale o Kaihala.