Kolohe 3:1 - Tokelauan New Testament

¹ Kua uma te fakatutū o koutou mai te oti ki te ola fakatahi ma Keliho. Ke fakatāua la i nā loto o koutou nā mea i te lagi, te mea e nofo ai ia Keliho i tona nofoāliki, i te itū taumatau o te Atua.

Kolohe 3:1 Iomraidhean Croise

Mataio 22:44

‘Ko te Aliki te Atua na vāgana ki toku Aliki; Nofo i toku itū taumatau, ke pa ki te taimi e tuku ai e au nā fili o koe ki lalo o ō vae.’

Mataio 26:64

Kua tali mai ia Iehu, “Ko tēnā lava e lea ai koe. Kae ko au e lea atu ki a te koutou uma, e kāmata atu nei ka koutou kitea te Ataliki o te Tagata e nofo i te itū taumatau o te Hilihilikehe, ma e hau i luga o nā ao o te lagi.”

Mataio 6:20

Kae fakaputu ni koloa mo koutou i te lagi, te mea e hē fakakinoa ai e nā mogamoga ma te palatoki, ma hē mafai e nā tino ke olo ki loto ma kaihohoa e ki lātou.

Mataio 6:33

Kae hakili muamua e koutou te Mālō o te Atua ma nā mea e fofou ia ke koutou faia, oi fōki atu ai e ia ki a te koutou nā mea uma iēnei.

Maleko 12:36

Ko Tavita lava ia na fakaohofia e te Agaga Paia ke lea vē: ‘Ko te Aliki te Atua na vāgana ki toku Aliki: Nofo i toku itū taumatau, ke pa ki te taimi e tuku ai e au nā fili o koe ki lalo o nā vae o koe.’

Maleko 14:62

“Io, ko au,” kua tali mai ia Iehu, “ma ka koutou kitea te Ataliki o te Tagata e nofo i te itū taumatau o te Hilihilikehe, ma e hau ma nā ao o te lagi!”

Maleko 16:19

Kua uma te vāgana atu o te Aliki ko Iehu ki a te ki lātou, oi hikitia ake ai ki te lagi ma nofo i te itū taumatau o te Atua.

Luka 12:33

Fakatau atu autou mea, ma fōki te tupe ma nā tino mātitiva. Fai ni autou ato teu tupe e hē mafai ke fano e gatu, ma teu ni autou koloa i te lagi, te mea e hē mafai ke fakaitiitia ai, auā e hēai he tino kaihohoa e mafai ke pa ki ei, pe ni mogamoga ke ki lātou fakakinoa.

Luka 20:42

Auā ko Tavita lava ia e lea i te tuhi o te Halamo, ‘Ko te Aliki te Atua na vāgana ki toku Aliki: Nofo i toku itū taumatau

Luka 22:69

Kae e kāmata atu nei, ko te Ataliki o te Tagata ka nofo i te itū taumatau o te Atua Hilihilikehe te Mālohi.”

Gāluega 2:34

Auā e hē ko Tavita te na hikitia ki te lagi; kae na lea vēia, ‘Kua vāgana te Aliki te Atua ki toku Aliki: Nofo i toku itū taumatau

Gāluega 7:55

Ka ko Hetefano kua fakatumulia i te Agaga Paia; kua kikila ake ki te lagi ma ia kitea atu te huhulu pupula o te Atua, ma Iehu e tū i tona itū taumatau.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

Loma 8:6

Kāfai te māfaufau e pūlea e te natula fakatetagata, ko te ikuga ko te oti; kāfai e pūlea e te Agaga, ko te ikuga ko te ola ma te fīlēmū.

2 Kolinito 4:18

Auā ko ki mātou e hē kikila ki nā mea e kitea, kae e kikila ki nā mea e hē kitea. Ko nā mea e kitea e hē tūmau, kae ko nā mea e hē kitea, e tūmau ke pa ki te fakavavau.

Efeho 4:10

Ko te tino la na fanaifo ki lalo ko ia foki lava te na fanake ki luga ki te lagi pito hili te maualuga, ke fakatumu kātoatoa ai te vānimonimo i tona i ei.

Efeho 5:22

Koutou fafine, tuku atu koutou kātoatoa ki te pule a autou tāne, e vē ona koutou faia ki te Aliki.

Kolohe 2:20

Ko koutou na oti fakatahi ma Keliho, ma kua fakahaoloto mai koutou mai nā agaga e pule i te vāteatea. He ā la te koi ola ai lava koutou e vē ni tino e o te lalolagi tēnei? He ā te koi mulimuli ai lava koutou ki nā tūlāfono e vē ko te,

Kolohe 3:2

Fakafano pea lava outou māfaufau ki nā mea i te lagi, kae e hē ki nā mea i te lalolagi.

Epelu 1:13

E hēki lea lele te Atua ki hana agelu: “Nofo i toku itū taumatau ke pa ki te taimi e kō faia ai ō fili ma nofoa e mapu ki luga ō vae.”

Epelu 1:3

E kitea e ala i te Ataliki te uiga kehe o te mamalu o te Atua, ma e fōliga tutuha lelei lava ia ma te Atua, ma ko te mamana o tana kupu e tūmau ai pea nā mea i te lagi ma te lalolagi. I te kua uma o te fakamamāga e ia o agahala a te lalolagi, oi nofo ai ki lalo i te itū taumatau o te Tupu Hilihilikehe.

Epelu 10:12

Kae e fokotahi lava te tāulaga na ofo ake e Keliho mo nā agahala, he tāulaga e aogā pea lava ke pa ki te fakavavau, ma na nofo ai loa i te itū taumatau o te Atua.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Epelu 8:1

Ko te uiga moni o te mea e lea atu ai ki mātou, e i ei to tātou Ulu Ohitāulaga, e nofo i te itū taumatau o te nofoāliki o te Atua i te lagi.

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.