Kolohe 2:8 - Tokelauan New Testament

⁸ Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

Kolohe 2:8 Iomraidhean Croise

Mataio 10:17

Koutou ke mataala, auā e i ei nā tino ka ki lātou pukea koutou ma kave ki te fakamahinoga, ma ka ki lātou kinia koutou i loto o nā hūnako.

Mataio 16:6

Kua vāgana atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio ma te kau Hatukaio.”

Mataio 7:15

“Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai.

Gāluega 17:18

Nae i kinā ni tino o te talitonuga faka-Epikuleionu ma ni tino o te talitonuga o Hitōikō. Kua fehili vē iētahi o ki lātou, “E vēhea ake ko te mea e lea ai te tagata fiapoto tēnā?” Kua tali mai iētahi tino, “E vē lava e tautala fakatatau ki ni atua kehe.” Na lea vēnā ki lātou, ona ko Paulo nae folafola e ia e uiga ki a Iehu ma te toetū.

Gāluega 17:32

I te ki lātou lagona atuga o Paulo e tautala e uiga ki te toetū mai te oti, oi fakatauemu ai iētahi tino ki ei, kae ko iētahi tino kua lea vē, “Ko ki mātou e fia toe fakalogo ke tautala mai koe i te mea tēnā.”

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

1 Kolinito 10:12

Kāfai koutou e manatu e mau lelei autou tutū, fakaeteete la nā koutou e pakukū.

1 Kolinito 8:9

Kae tau lava koutou ke fakaeteete, ke nahe kaveagia te haolotoga o koutou i nā mea iēnei, ma ala e pakukū ai ki te agahala ki lātou e vāivai i te fakatuatua.

2 Kolinito 10:5

e talepe ki lalo e ki mātou nā mea uma e fakatutū ke fai ma lave ki te mālamalama o tagata, e uiga ki te Atua. E puke fakamālohi e ki mātou ia manatu tau tokatahi uma, ma fakamālohia ke uhitaki ki a Keliho.

Kalatia 1:14

Nae hili atu toku mālamalama i te tāpuakiga Iutaia i lo te tokalahi o iētahi tino Iutaia o oku tupulaga, ma nae hili atu foki toku pipiki mau ki nā tū a o mātou tupuna.

Kalatia 4:3

Nae vēnā foki lava ki tātou i nā aho nae tamaiti ai ki tātou. Ko ki tātou nae fai ma pologa a nā agaga e pule i te lalolagi ma te vāteatea kātoa,

Kalatia 4:9

Kae nei la kua koutou iloa te Atua — pe i hētahi fakakupuga, kua iloa e te Atua koutou — e vēhea ona toe fia liliu koutou ki nā agaga vāivai ma hēai he aogā e pūleagia te lalolagi ma te vāteatea? He ā te toe fia kavea ai koutou ma a lātou pologa?

Kalatia 5:15

Kae kāfai koutou e tūmau pea te takati ma te fakaogohia o tētahi ki tētahi e vē ko uiga o nā manu fekai, koutou la ke mataala auā e i na ka fakaumatia kātoa tētahi e tētahi.

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

Efeho 4:20

E hē ko iēnei nā mea na akoako ai koutou e uiga ki a Keliho!

Efeho 5:6

Ia koutou nahe fakahehēa e he tino i ni kupu e hēai ni uiga; ko nā mea iēnei te ka pakū ai te tōkahā o te Atua ki luga o ki lātou e hē uhitaki ki a te ia.

Filipi 3:2

Koutou ke fakaeteete i nā tino e vē ni kulī! Nā tino e ki lātou faia nā mea kino ma e fofou ke fakamātipitipi te tino.

Kolohe 2:18

Nahe talia e koutou ni faitioga mai he tino e lea e hili atu tona tāua i lo koutou ona ko he fakaaliga fakapitoa na ia kitea, ma e fakatagā lotomaulalo ma tāpuaki pea lava ki nā agelu. Ko nā tino vēnei e manatu fakamaualuga ona ko na lagona fakatetagata,

Kolohe 2:20

Ko koutou na oti fakatahi ma Keliho, ma kua fakahaoloto mai koutou mai nā agaga e pule i te vāteatea. He ā la te koi ola ai lava koutou e vē ni tino e o te lalolagi tēnei? He ā te koi mulimuli ai lava koutou ki nā tūlāfono e vē ko te,

Kolohe 2:22

Ko nā tūlāfono uma iēnei, e fakatatau ki nā mea kua hē aogā ona kua uma te fakaaogā; ni tūlāfono lava ma ni akoakoga e a te tagata ola kua fai.

Kolohe 2:23

Ko nā tūlāfono vēnā, e vē e fakavae i he poto fakatetagata, ma e takitaki fakamālohi ai ia tagata ke tāpuaki ki nā agelu, ke loto maulalo pepelo, ma ke fakahaunoa tauanoa ki te tino, kae e matuā hē aogā lava ki te tāofiofiga o nā tuinanauga ki te tino.

1 Timoteo 6:20

Timoteo, tauhi lelei ki te mea kua fōki atu e te Atua ke kikila e koe. Ia koe nahe fakalogo ki nā tino e faia nā fakamatalaga valea ma hē mīgao, iē e lea iētahi tino ko te “poto.”

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

Epelu 3:12

Koutou la ke mataala te kau uho, kae ke nahe i ei lele he tino o koutou e ia te ia he loto kino ma te hē talitonu, ma liliu kehe ai mai te Atua e ola.

1 Petelu 1:18

Auā e iloa e koutou te mea na totogi ai te haolotoga o koutou mai nā uiga e hēai he aogā, na iloa e koutou mai outou tupuna. E hē ko he mea e fano e pala e vē ko te hiliva pe ko te aulo;

2 Petelu 3:17

Kae ko koutou te kau uho pele, kua uma te koutou iloa o te mea tēnei. Koutou la ke mataala, kae ke nahe tataki kehea ai koutou i nā hehē o tagata hē tauhi ki te tūlāfono, ma hē toe mautū lelei ai koutou.

2 Ioane 1:8

Koutou la ke mataala, kae ke nahe kave kehea ai te aogā o nā gāluega nae fai e ki mātou ma ka maua ai he koutou taui kātoatoa.