Ioane 7:1 - Tokelauan New Testament

¹ Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.

Ioane 7:1 Iomraidhean Croise

Mataio 10:23

Kāfai koutou e hāuāgia i he kakai, hōhola ki hētahi kakai. Auā e takutino atu e au ki a te koutou, e pa atu ki te taimi e hau ai te Ataliki o te Tagata, ko hēki hoko lava tautou gāluega i nā kakai uma o Ihalaelu.

Mataio 21:38

Kae i te kitea atuga e nā nofolihi te ataliki, oi lea vē ai tētahi ki tētahi, ‘Ko te ataliki tēnei o te tino e o ia te tōvine. Ōmai tātou olo oi tāmate kae kave mo ki tātou tona tofi i te fenua o tona tamana!’

Maleko 11:18

I te lagonaga e nā ohitāulaga hili ma nā faiakoga o te Tūlāfono te mea tēnei, oi kāmata ai kua tau hakili e ki lātou he auala ke tāmate ai ia Iehu. Kua mātataku ki lātou ia Iehu, ona ko te kaifenua kua ofo uma lele ki ana akoakoga.

Ioane 1:19

Ko tēnei te molimau a Ioane, i te uga atuga e nā takitaki o Iutaia i Ieluhalema ni ohitāulaga ma ni ha-Levī ke fehili vē ki ei, “Ko ai koe?”

Ioane 4:3

I te lagonaga la e Iehu o te fakamatalaga tēnei, oi fano kehe ai ma Iutea, kua toe foki ki Kalilaia.

Ioane 4:54

Ko te lua tēnei o fakailoga na fai e Iehu, i te fanaifoga mai Iutea ki Kalilaia.

Ioane 6:1

Kua uma atu te mea tēnei, oi fano ai ia Iehu ki tētahi itū o te Vaitūloto ko Kalilaia (ko Tipelia tētahi ona igoa).

Ioane 7:11

Ko nā takitaki o Iutaia nae ki lātou hakilia ia Iehu i te Kaiga Fakamanatu, kua lea vē, “E i fea te tagata nei?”

Ioane 7:13

Kae ona ko te lātou mātataku i nā takitaki o Iutaia, na hēki tautatala leo lalahi ai ke lagona e tagata.

Ioane 7:19

E hē ko Mohe nei te na ia tuku atua te Tūlāfono ki a te koutou? Kae e hēai lele he tino o koutou e uhitaki ki te Tūlāfono. He ā la te taumafai ai koutou ke tāmate au?”

Ioane 7:25

Ko iētahi tino i Ieluhalema kua lea vē, “E he ko te tagata nei tēnei e taumafai nā takitaki o Iutaia ke tāmate?

Ioane 7:35

Kua fakataufai nā takitaki o Iutaia ma lea vē, “Ko fea nei te mea ka fano ki ei te tagata nei kae ke nahe maua ai ia e ki tātou? E i na ka fano nei ki nā kakai i Eleni, nā mea kua takape ki ei o tātou tagata, ma akoako atu ki nā tino e nonofo ai.

Ioane 8:37

E iloa e au ko koutou ni lāpuna e o Apelaamo. Kae ko koutou e taumafai ke fahioti au, auā e hē koutou taliagia taku akoakoga.

Ioane 8:40

Oi oti lava te mea kua fai e au, ko te fakailoa atuga ki a te koutou o te meamoni na fakahino mai e te Atua ki a te au, kae kua taumafai koutou oi fahioti au. E hēki faia lele e Apelaamo he mea vēnā!

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.