Ioane 6:51 - Tokelauan New Testament

⁵¹ Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Ioane 6:51 Iomraidhean Croise

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Luka 22:19

Oi tago ai ki te falaoa, kua fakafetai ki te Atua, oi tavaevae ai ma fōki ki te kau apohitolo, ma lea vē atu, “Ko toku tino tēnei, kua fōki atu mo koutou. Fai te mea tēnei e koutou, ke fai ma fakamanatuga ki a te au.”

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ioane 11:26

ma ko nā tino e ola ma talitonu mai ki a te au, ka hē oti lele. E talitonu koe ki te mea tēnei?”

Ioane 3:13

E hēai he tino na kua fanake ki te lagi, vaganā ai te Ataliki o te Tagata, na fanaifo mai te lagi.”

Ioane 3:14

Ma e vē ona hiki ake ki luga e Mohe te gata apamemea i te vao, e tatau foki te Ataliki o te Tagata ke hiki ake ki luga,

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 3:36

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Ioane 6:33

Auā ko te falaoa e fōki atu e te Atua ko ia tēnā e fanaifo mai te lagi ma fōki atu te ola ki te lalolagi.”

Ioane 6:35

Kua tali mai ia Iehu, “Ko au ko te falaoa o te ola. Ko nā tino e ōmamai ki a te au, e hē toe fia kakaia lele; ko nā tino e talitonu mai ki a te au, e hē toe fia inua lele.

Ioane 6:41

Oi kāmata ai kua mūimui ia tagata Iutaia e uiga ki a te ia, ona na lea vē, “Ko au ko te falaoa na fanaifo mai te lagi.”

Ioane 6:47

E takutino atu e au ki a te koutou te meamoni; ko ai lava he tino e talitonu, ka maua e ia te ola e fakavavau.

Ioane 6:48

Ko au ko te falaoa o te ola.

Ioane 6:50

Ka ko te falaoa e fanaifo mai te lagi, e kehe, ma ko ai lava e kai ki ei, ka hē oti lele.

Ioane 7:38

ko ai lava e talitonu mai ki a te au, e tatau ke inu. E vē ona tūhia i te tuhituhiga paia, ‘Ko nā vaitafe o te vai e maua ai te ola, e tafe mai ki fafo i tona fatu.’ ”

2 Kolinito 5:19

Ko te uiga o ta mātou lea atu, kua fakaleleia e te Atua te va o ia ma te lalolagi e ala ia Keliho. E hēki ia faitaua ia agahala a tagata, ma kua tuku mai e ia ki a te mātou, ke fakaleleia te va o ia ma tagata.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Efeho 5:25

Koutou tāne, alolofa ki autou āvaga e vē foki lava oi alofa ia Keliho ki te Ekalehia, ma na ia tuku atua ai tona ola mo te Ekalehia.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 10:20

Na tatala mai e ia mo ki tātou he auala fou, he auala e kui ki te ola, kui atu i te kie pupuni — ko tona uiga, e ala i tona lava tino.

1 Petelu 2:4

Ōmamai ki te Aliki, te fatu e ola pea lava na tīaki e tagata e hēai he aogā, kae na filifilia e te Atua e tāua lahi lele.

1 Ioane 2:2

Ma ko Keliho ko te tāulaga ia e kave kehea ai a tātou agahala, ma e hē nā ko a tātou agahala oioti, kae e vēnā foki ia agahala a tagata uma o te lalolagi.

1 Ioane 4:10

Ko tēnei te mea e takua ko te alofa: e hē ona ko ki tātou e alolofa ki te Atua, kae ona ko tona alofa mai ki a te ki tātou na ia uga maia ai tona Ataliki, kae ke māgalo ai a tātou agahala.

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.