Ioane 5:2 - Tokelauan New Testament

² I tafa o te faitotoka e igoa ko te Faitotoka o Māmoe i Ieluhalema, e i ei te vaitākele e lima ona poletito; ko Peteha tona igoa i te gagana Epelu.

Ioane 5:2 Iomraidhean Croise

Ioane 19:13

I te lagona atuga e Pilato nā fakakupuga iēnei, oi kave ai e ia ia Iehu ki fafo, ma nofo ki luga o te nofoa fakamahino i te mea e takua ko te “Ala Folafatu” (Ko te igoa i te gagana Epelu ko te “Kapata.”)

Ioane 19:17

Kua takitaki e ki lātou ki fafo o te kakai e amo tona hātaulo, ma kua taunuku atu ki te koga e igoa ko te “Ulupoko.” (Ko “Kolokota” i te gagana Epelu.)

Ioane 19:20

E tokalahi nā tino Iutaia na faitau ki ei, auā e hē mamao te mea na fakahātaulo ai ia Iehu ma te kakai. Ko te fakaaliga na tuhi i nā gagana Epelu, Latina ma te Eleni.

Ioane 20:16

Kua vāgana atu ia Iehu ki a te ia, “Malia!” Kua fakahaga tonu atu ia Malia ki a te ia ma lea vē atu ki ei i te gagana Epelu, “Lāponi.” (Ko tona uiga “Te Faiakoga.”)

Ioane 5:3

E tokalahi lele nā tauale nae takokoto i nā poletito — ko nā tāuaho, ko nā pipili, ma nā tino e mate ni vāega o nā tino o ki lātou.

Ioane 7:21

Kua tali atu ia Iehu, “Na fai e au te mea ofoofogia e fokotahi, ma na ofo uma ai koutou.

Gāluega 21:40

Na fakataga e te takitakikau ia Paulo, oi tū atu ai i luga o nā fakahitepu ma fakatū tona lima ki nā tino ke nahe piha. Ina kua hēai he tino o ki lātou e vaivaia, oi tautala ai ki ei ia Paulo i te gagana Epelu.

Fakaaliga 16:16

Oi fakapotopoto fakatahi ai nā tupu e nā agaga i te mea e takua i te gagana Epelu ko Amaketo.

Fakaaliga 9:11

E i ei to lātou tupu e pule ki a te ki lātou, ko te agelu tēnā e pule i te lua e hēai he gataga o tona loloto. Ko tona igoa i te gagana Epelu ko Apatone; i te gagana Eleni ko te igoa tēnei ko Apolione (ko tona uiga “Te tino e Fakakinoagia”)