Ioane 4:9 - Tokelauan New Testament

⁹ Kua tali mai te fafine, “Ko koe ko he Iutaia, ka ko au ko he Hāmālia — e vēhea la oi lea mai koe ki a te au ke fakainu atu koe?” (E hē mafai e nā tino Iutaia ke fakaaogā e ki lātou ni ipuinu ma ni pēhini na fakaaogā e ni tino Hāmālia.)

Ioane 4:9 Iomraidhean Croise

Mataio 10:5

Kua uga atu e Iehu nā tamāloa iēnei e hefululua ma nā fakatonuga e vēnei: “Ko koutou e hē olo ki he fenua o tagata nukukehe pe he kakai o Hāmālia.

Luka 10:33

Kae ko he Hāmālia na malaga atu foki i te auala tēnā, na tau atu ki te tamāloa, oi na tumu lele tona loto i te alofa i te ia kiteaga o te tamāloa.

Ioane 4:27

I te taimi lava tēnā, na taunuku mai ai nā hoko o Iehu, ma na fakatekigia lele ki lātou, ona ko Iehu e faitala ki he fafine. Kae e hēki i ei he tino o ki lātou na lea ki te fafine, “Ko he ā te fofou koe ki ei?” pe fehili foki ki a Iehu, “He ā te tautala ai koe ki te fafine?”

Ioane 8:48

Kua tali atu nā tino Iutaia ki a Iehu, “Aiheā e vē lele e hehē te mea e lea ai ki mātou, ko koe ko he Hāmālia ma e ulufia e he tēmoni?”

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Gāluega 10:28

Oi lea vē atu ai ki a te ki lātou, “E iloa lelei lava e koutou e hē fakatagagia he tino Iutaia e tana tāpuakiga, ke āhiāhi pe fai mea fakatahi ma he tino nukukehe. Kae kua fakahino mai e te Atua e hē tatau au ke lea, e i ei he tino e hē mamā pe kino.

Gāluega 10:32

Uga he tino ki Iopa ki he tino e igoa ki a Himona Petelu. E i te fale o Himona, he tino gaohi mea mai nā pakumanu, ma e pili tona fale ki te tai.’