Ioane 3:8 - Tokelauan New Testament

⁸ Ko te matagi e agi lava ki te mea e loto ia ki ei; e lagona e koe tana agi kae e hē kē iloa pe hau i fea, pe ko fea foki te fano agai ki ei. E vēnā foki lava ho he tino e fānau mai i te Agaga.”

Ioane 3:8 Iomraidhean Croise

Ioane 1:13

E hēki kavea ki lātou ma fānau a te Atua, e vē ko te tūlaga māhani fakatetagata, e fānanau mai ni fānau e a he tamana; kae ko te Atua lava ia, ko to lātou Tamana.

Ioane 3:7

Koe la nā teki auā ia au e lea atu, ko koutou e tatau ke toe fānau fougia.

Ioane 3:9

Kua fehili atu ia Nikotemo, “E vēhea ona mafai he mea vēnā?”

Gāluega 2:2

Kae teki lava kua fanaifo he leo mai te lagi e vē ko te agi a he matagi mālohi, kua agi ki loto o te fale ma fakatumulia ai te fale kātoa e maopoopo ai ki lātou.

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

1 Kolinito 12:11

Kae ko te Agaga lava e fokotahi te ia faia nā mea uma iēnei; i tana lava filifiliga, e ia fōki ai nā meaalofa kehekehe ki tagata tau tokatahi.

1 Kolinito 2:11

Nā ko o tātou lava agaga i loto o ki tātou, te iloagia nā mea uma e uiga ki a te ki tātou; e vēnā foki lava ona iloa oioti e te Agaga o te Atua, nā mea uma e uiga ki te Atua.

1 Ioane 2:29

E iloa e koutou ko Keliho e āmiotonu; e tatau la ke koutou iloa ko nā tino uma e faia te mea e tonu, ni fānau ki lātou e a te Atua.