Ioane 2:4 - Tokelauan New Testament

⁴ Kua tali mai ia Iehu, “Te mātua, nahe kē lea mai ko kinā mea e tatau ke kō faia! Ko toku taimi ko hēki pa mai.”

Ioane 2:4 Iomraidhean Croise

Mataio 15:28

Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.

Mataio 8:29

Ko te taimi lava na kitea ai e ki lāua ia Iehu, oi taukalalaga vē atu ai ki ei, “E, te Ataliki o te Atua, he ā ko ta koe e fai mai ki a te ki māua? Ko koe kua hau ke fakahāuā mai ki a te ki māua ka ko hēki pa ki te taimi e tatau ai?”

Luka 2:49

Ka kua vē atu ki ei tana tali, “He ā te na hakili ai au e koulua? E hē koulua iloa ko au e tatau ke i te fale o toku Tamana?”

Ioane 12:23

Kua tali mai ia Iehu ki a te ki lātou, “Kua pa mai te itūlā e fakatū ake ai te Ataliki o te Tagata ki tona mamalu.

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 2:3

Kua uma te uaina, oi lea atu ai te mātua o Iehu ki a te ia, “Kua hēai he lātou uaina.”

Ioane 20:13

Kua fehili mai ki lāua ki a te ia, “Te māfine, he ā te tagi ai koe?” Kua lea atu ia Malia, “Auā kua kave e ki lātou toku Aliki, ma e hē kō iloa pe kua tuku e ki lātou i fea!”

Ioane 20:15

Kua fehili atu ia Iehu ki a Malia, “Te māfine, he ā te tagi ai koe? Ko ai ta koe e hakili?” E vēake lava ia Malia ko te tino tēnei te ia kikilagia nā togālākau, oi lea vē atu ki ei, “Te aliki, kāfai na kē kavea te tino o toku Aliki, taku mai ki a te au te mea kua kave e koe ki ei, kae ke fano au oi kaumai.”

Ioane 7:30

Oi taumafai ai ki lātou ke puke ia Iehu, kae e hēki i ei he tino na pa ki ei tona lima, auā ko tona taimi ko hēki pa mai.

Ioane 7:6

Kua vāgana atu ia Iehu ki a te ki lātou, “Ko te taimi o oku ko hēki pa mai. Kae ko koutou, ho he taimi lava e lelei mo koutou.

Ioane 7:8

Olo koutou ki te Kaiga Fakamanatu. Ko au e hē fano auā ko hēki pa ki te taimi hako mo au.”

Ioane 8:20

Ko nā kupu iēnei na tautala ai ia Iehu, ka koi akoako atu i loto o te Mālumalu, i te potu e i ei nā puha e tuku ki loto nā tāulaga tupe ma nā meaalofa a tagata. Kae e hēki pukea ia e nā tino, auā ko tona taimi ko hēki pa mai.

2 Kolinito 5:16

Ko te mea ia, e kāmata atu nei, e hē toe ki tātou fakamahinoa he tino, i te kikilaga fakatetagata. E ui lava na i ei te taimi na ki tātou fakamahinoa ai ia Keliho i te kikilaga fakatetagata, kae kua hē toe fai vēnā e ki tātou nei.