Ioane 17:2 - Tokelauan New Testament

² Auā na kē tukua ki ei te pule ke pule ai i tagata uma, kae ke ia mafaia ai oi fōki atu te ola fakavavau, ki a te ki lātou uma na kē filifilia ke mulimuli ki a te ia.

Ioane 17:2 Iomraidhean Croise

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 25:46

Ko nā tino la iēnei, ka kave ki te fakahalaga e pa ki te fakavavau, ka ko nā tino āmiotonu ka maua e ki lātou te ola e fakavavau.”

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Ioane 17:6

“Kua uma te fakailoa e au o koe ki a te ki lātou uma na kē filifilia mai te lalolagi, ke mulimuli mai ki a te au. Ko nā tino iēnei e a koe, na kē tuku maia ki a te au. Kua uhiuhitaki ki lātou ki tau kupu,

Ioane 17:9

“Ko au e tatalo mo ki lātou. Ko au e hē tatalo mo tagata o te lalolagi, kae mo ki lātou uma na kē filifilia ke mulimuli mai ki a te au, auā e a koe ki lātou.

Ioane 3:35

Ko te Tamana e alofa ki tona Ataliki, ma kua ia tukuatua ki ei nā mea uma.

Ioane 4:14

ka ko nā tino e inu ki te vai e kō fōkia ki ei, e hē toe fia inua lele. Ko te vai e kō fōkia ki a te ki lātou, e kavea ma vaipuna i loto o ki lātou, e puna ake ai pea te vai o te ola mo ki lātou, ma maua ai e ki lātou te ola e fakavavau.”

Ioane 6:27

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e fakavavau. Ko nā meakai iēnei ka fōki atu ki a te koutou e te Ataliki o te Tagata, auā kua ia te ia te fakatagaga mai te Atua te Tamana.”

Ioane 6:37

Ko nā tino uma lele e fōki mai e toku Tamana ki a te au, e ōmamai lava ki a te au. E hē kō tetekea lele he tino e hau ki a te au,

Ioane 6:39

Ma ko te finagalo o tē na ia uga maia au, ke nahe kō faia he mea ke māumau ai he ola o he tino o ki lātou uma kua ia fōki maia ki a te au, kae ke kō fakatutūa uma ki lātou ki te ola, i te aho mulimuli.

Loma 6:23

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

1 Kolinito 15:25

Auā ko Keliho e tatau ke pule pea ke pa ki te taimi e fakatōkilalo ai e te Atua ona fili uma, ma tuku atu ai ki lātou ki lalo o ona vae.

Efeho 1:20

na fakatū ai ia Keliho mai te oti, ma fakanofo ai i tona itū taumatau i te mālō i te lagi.

Filipi 2:10

Ma ko te mea ia ka tōtutuli ma ifo ai ia tagata ma agaga ola uma i te lagi, i te lalolagi ma i lalo o te lalolagi, ke iloa ai te mamalu o Iehu,

1 Timoteo 1:16

kae ko te Atua na alofa fakahao mai ki a te au, kae ke mafai ai ia Keliho Iehu ke fakaalia te kātoatoa o tona onohai ki a te au, te tino agahala e hili atu te kino, ke fai ma fakatakitakiga ki nā tino e talitonu ki a te ia i he taimi mulimuli, ma maua ai e ki lātou te ola e fakavavau.

Epelu 1:2

Kae i nā toe aho iēnei, kua tautala mai te Atua ki a te ki tātou e ala i tona Ataliki. Na gaohia e te Atua te lagi ma te lalolagi e ala i tona Ataliki, tē kua ia tōfiagia ke fai ma ona tofi nā mea uma iēnei.

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.

1 Ioane 1:2

I te fakailoa maiga o te ola tēnei, na kitea e ki mātou; ko ki mātou la e molimau ki te mea na kikila ki mātou ki ei, ma fakailoa atu ki a te koutou e uiga ki te ola e hē gata nae i ei ma te Tamana, ma na fakailoa mai ki a te ki mātou.

1 Ioane 2:25

Ma ko tēnei te mea na folafola mai e Keliho lava ia mo ki tātou — ko te ola e hē gata.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Iuta 1:21

ke tūmau koutou i loto o te alofa o te Atua, ka koi fakatalitali koutou ki te ola fakavavau e fōki atu e to tātou Aliki ko Iehu Keliho, e ala i tona alofa fakahao.