Ioane 14:1 - Tokelauan New Testament

¹ Kua vāgana atu ia Iehu ki ona hoko, “Koutou nahe popole pe mātataku; talitonu ki te Atua, ma talitonu mai foki ki a te au.

Ioane 14:1 Iomraidhean Croise

Ioane 11:33

I te kitea atuga e Iehu ko Malia e tagi, ma ko nā tino Iutaia foki nae i ei ma ia e faitatagi, oi tīgā lahi ai tona loto, ma kua maua i te fakanoanoa lahi.

Ioane 12:27

“Te popole o toku loto i te taimi nei. Ka vēhea ake nei au? Ka lea nei au, ‘Te Tamana, fakahao ko au mai tēnei itūlā.’? Hēai, ko tēnei tonu lava te mea na hau ai au — ke maua au i nā puapuagā i te itūlā tēnei.

Ioane 12:44

Na leo lahi lele ia Iehu ma lea vē atu, “Ko ai lava e talitonu mai ki a te au, e hē talitonu mai oioti ki a te au, kae e talitonu foki ki tē na ia uga maia au.

Ioane 13:19

Ko au kua lea atu i te mea tēnei i te taimi nei, ka ko hēki pa ki te taimi e tutupu ai. E pa atu la ki te taimi e tutupu ai, ka talitonu koutou ‘Ko Au Ko Au Lava Au.’

Ioane 16:24

Ke pa mai ki te taimi nei, ko hēki gogō lele atu koutou ki he mea i toku igoa; gogō atu oi maua ai e koutou, kae ke kātoatoa ai te koutou fiafia.

Ioane 16:3

Ka fai e nā tino nā mea iēnei ki a te koutou, auā ko hēki ki lātou iloa te Tamana pe ko au.

Ioane 16:6

Nei la kua kō taku atua, ko outou loto kua tūtumu i te fakanoanoa.

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

2 Kolinito 2:7

Ma, i te taimi nei, kua tatau ke koutou fakamāgaloa ma fakamālohi ki ei, kae ke nahe fakavāivai ai ona ko te mafatia lahi o tona loto.

Efeho 1:15

Ona ko te māfuaaga tēnei, talu lava te lagona e au e uiga ki te koutou fakatuatua ki te Aliki ko Iehu ma te koutou alolofa ki tagata o te Atua,

2 Tehalonia 2:2

ke nahe faigōfie oi fakahētonu outou māfaufau pe fakatekigia foki, ona ko he fakamatalaga ko te Aho o te Aliki kua pa mai. Ātonu pe i ei he manatu ko ki mātou na lea atu i te mea tēnei e ala i nā vāloaga pe ko nā tālakiga, pe i he tuhi.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.