Ioane 13:3 - Tokelauan New Testament

³ Kua uma ai te iloa e Iehu ko te pule kātoa kua tuku ake e te Tamana ki a te ia, ma ko ia na hau mai te Atua ma e toe fano foki lava ki te Atua,

Ioane 13:3 Iomraidhean Croise

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Luka 10:22

“Kua fōki mai e toku Tamana ki a te au, nā mea uma lele. E hēai he tino e ia iloa pe ko ai te Ataliki, vaganā te Tamana, ma hēai foki he tino e ia iloa pe ko ai te Tamana, vaganā te Ataliki ma ki lātou kua filifilia e te Ataliki ke fakailoa ki ei.”

Ioane 1:18

E hēai he tino na kua ia kitea te Atua. Ka ko te Ataliki e tokatahi e nofo i tafa o te Tamana, ko ia te kua ia fakailoa maia te Atua.

Ioane 13:1

Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 17:2

Auā na kē tukua ki ei te pule ke pule ai i tagata uma, kae ke ia mafaia ai oi fōki atu te ola fakavavau, ki a te ki lātou uma na kē filifilia ke mulimuli ki a te ia.

Ioane 3:13

E hēai he tino na kua fanake ki te lagi, vaganā ai te Ataliki o te Tagata, na fanaifo mai te lagi.”

Ioane 3:35

Ko te Tamana e alofa ki tona Ataliki, ma kua ia tukuatua ki ei nā mea uma.

Ioane 7:29

kae e kō iloa, auā ko au na hau mai ia te ia ma, na ia uga maia au.”

Ioane 7:33

Oi lea atu ai ia Iehu, “Ko au ka fakatahi ma koutou mo hina taimi, oi fano ai au ki tē na ia uga maia au.

Ioane 8:14

Oi tali atu ai ia Iehu, “E tuha pe ko au e molimau lava au ki a te au, ko taku takutinoga e hako, auā e iloa e au te mea na hau ai au, ma te mea e fano au ki ei. E hē iloa e koutou te mea na hau ai au ma te mea e fano au ki ei.

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

Gāluega 2:36

“Ko te mea ia e tatau ai ke iloa ma mautinoa e koutou nā tino Ihalaelu uma, ko te Iehu tēnei, tēia na koutou fakahātauloagia, ko te tino ia kua fai e te Atua ma Aliki, ma ko ia ko te Mehia!”

1 Kolinito 15:27

Auā e lea mai te tuhituhiga paia, “Kua tuku e te Atua nā mea uma ki lalo o ona vae.” E manino lele la ko te fakakupuga, “mea uma” e hē aofia ai te Atua e ia tukua nā mea uma ki lalo o te pule a Keliho.

Epelu 1:2

Kae i nā toe aho iēnei, kua tautala mai te Atua ki a te ki tātou e ala i tona Ataliki. Na gaohia e te Atua te lagi ma te lalolagi e ala i tona Ataliki, tē kua ia tōfiagia ke fai ma ona tofi nā mea uma iēnei.