Ioane 11:4 - Tokelauan New Testament

⁴ Kae i te lagonaga e Iehu o te mea tēnei, oi lea vē ai, “Ko te ikuga mulimuli o te tauale o Lahalo e hē ko te oti; ko te mea tēnei kua tupu ke fakaalia ai te mana o te Atua, ma ke vīkia ai te Ataliki o te Atua.”

Ioane 11:4 Iomraidhean Croise

Ioane 10:38

Kae kāfai e fai e au nā mea iēnei, e ui lava ko koutou e hē talitonu mai ki a te au, kae e tatau lava ke talitonu koutou ki nā gāluega na fai e au, kae ke koutou iloa ai ma te mautinoa, ko te Tamana e ia te au, ma ko au e i te Tamana.”

Ioane 11:40

Kua lea atu ia Iehu ki a Mafa, “E hēki lea atu au e mafai ke kitea e koe te mana o te Atua, kāfai koe e talitonu?”

Ioane 12:28

Te Tamana, fakaali ko tō mamalu ke kitea e tagata!” Oi tautala ifo ai he leo mai te lagi kua vē ifo, “Kua uma te kō fakaaliagia o toku mamalu, ma e toe kō fakaalia foki.”

Ioane 17:1

Kua uma te lea atu o Iehu i te mea iēnei, oi kikila ake ai ki te lagi ma lea vē, “Te Tamana, kua pa mai te itūlā. Fakailoa ko te mamalu o te Ataliki, kae ke fakailoa ai e te Ataliki te mamalu o koe.

Ioane 17:10

Ko nā tino uma e ia te au e a koe, ma ko nā tino uma e ia te koe e āku; ma ko toku mamalu e fakailoa, e ala ia te ki lātou.

Ioane 17:5

Te Tamana, fakailoa ko i te taimi nei e ala i tō fakatahi ma au, toku mamalu, te mamalu nae ia te au fakatahi ma koe, ka ko hēki faia te lalolagi.

Ioane 2:11

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Ioane 8:54

Kua tali atu ia Iehu, “Kāfai au e hakili vīkiga mo oku lava, ko te vīkiga tēnā e matuā hēai lava hona aogā. Ko te tino e maua ai e au hoku vīkiga ko toku Tamana — ko ia tēnā e lea koutou ko te koutou Atua.

Ioane 9:24

Kua fakalua ona toe fekau e ki lātou te tamāloa na fānau mai e tāuaho, oi lea vē atu ai ki ei, “Takutino i mua o te Atua ko koe ka tautala i te meamoni! E iloa e ki mātou ko te tino na ia fakamālōlōa koe ko he tino agahala.”

Ioane 9:3

Kua tali mai ia Iehu, “E hē ona ni agahala e ā ia pe ā ona mātua. E tāuaho kae ke mafai ai ia gāluega mamana a te Atua ke fakaalia, e ala ia te ia.

Loma 11:11

Ko au la e fehili: Na hīhīga nei ma pakukū ma hēki mafai ke toe tutū ki luga? Hēai! Kae ona kua agahala ki lātou, kua maua ai e tagata nukukehe te fakaolataga, ke fai ma mea e tupu ai te loto kino i tagata Ihalaelu.

Filipi 1:11

Ka fakatumulia outou ōlaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.

Filipi 1:20

Ko te mea e fakamoemoe ma naunau lahi au ki ei, ke nahe i ei lele he taimi e fakahētonu ai taku gāluega, kae i taimi uma lava, kae maihe lava te taimi nei, ke tumu au i te loto toa, kae ke fakaaogā ai toku tagata kātoa ke maua ai he vīkiga mo Keliho, e tuha lava pe ola ai au, pe oti ai.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.

1 Petelu 4:14

Amutia koutou kāfai koutou e tauemua e tagata ona ko koutou e mulimuli ki a Keliho; ko te uiga o te mea tēnei ko te Agaga mamalu, te Agaga o te Atua, e fakatahi ma koutou.