Ioane 11:2 - Tokelauan New Testament

² (Ko Malia tēnei na ia liligia nā lolo manogi ki nā vae o te Aliki ma holo ai i tona laulu, he tuagane e o ia ia Lahalo, tēia e tauale.)

Ioane 11:2 Iomraidhean Croise

Maleko 14:3

Ko Iehu nae i Petania i te fale o Himona, he tamāloa nae maua i he tauale kino o te kili. E kai ia Iehu kae hau ki a te ia he fafine ma he fagu alapaha e tumu i nā lolo manogi taugatā pe ko te nato mamā. Kua tatake e te fafine te fagu oi liligi ai te lolo manogi ki te ulu o Iehu.

Luka 7:13

I te kitea atuga e te Aliki te fafine, oi fakatumulia ai tona loto i te alofa, ma lea vē atu ki ei, “Koe nahe tagi.”

Luka 7:19

oi uga ai ki lāua e ia ki te Aliki ke fehili vē ki ei, “Ko koe nei te tino na folafola e Ioane e hau, pe i ei hētahi tino e fakatalitali ki mātou ki ei?”

Ioane 11:21

Kua lea atu ia Mafa ki a Iehu, “Te Aliki, anei ake koe nae i kinei, ko toku tuagane e hēki oti!

Ioane 11:3

Kua kave te faifekau e te uho tēnei ki a Iehu e vē, “Te Aliki, ko tau uō e alofa koe ki ei, e tauale.”

Ioane 11:32

Kua pa atu ia Malia ki te mea e i ei ia Iehu, ma i te ia kitea atuga o Iehu, oi fakapakū ai ki lalo ki tafa o ona vae ma lea vē atu, “Te Aliki, anei ake koe nae i kinei, ko toku tuagane e hēki oti.”

Ioane 12:3

Oi kave ai e Malia ni lolo manogi taugatā pe ko te nato mamā, kua liligi ki nā vae o Iehu oi holo ai i tona laulu. Ko te manogi manaia o nā lolo kua fakatumulia ai te fale kātoa.

Ioane 13:13

Ko au e fakaigoa e koutou ko te Faiakoga ma ko te Aliki, ma e hako lava koutou, auā ko tēnā lava au.

Ioane 13:14

Kāfai la ia au, te Aliki ma te Faiakoga o koutou, na fulufulu e au outou vae, e tatau foki la koutou ke fulufulu e tētahi ia vae o tētahi.