Ioane 10:4 - Tokelauan New Testament

⁴ Kāfai e kave e ia nā māmoe ki fafo, e fano ki mua o ki lātou, oi mulimuli ai ki lātou ki a te ia auā e ki lātou matea tona leo.

Ioane 10:4 Iomraidhean Croise

Mataio 16:24

Oi vāgana atu ai ia Iehu ki ona hoko, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Ioane 10:27

E lagona e aku māmoe toku leo, ma e iloa e au ki lātou, ma e mulimuli mai ki a te au.

Ioane 10:3

E tatala ki a te ia te faitotoka e te leoleo faitotoka, ma e lagona e nā māmoe tona leo. E kalaga ki ana māmoe i o lātou igoa, ma e ia takitakia ki lātou ki fafo.

Ioane 10:5

Ka hē mulimuli ki lātou ki hētahi tino; kae ka fētutuli kehe ki lātou mai he tino vēnā, auā e hē ki lātou mateagia tona leo.”

Ioane 10:8

Ko iētahi tino uma lele na muamua mai ia te au, ni tino kaihohoa ma ni tino fāomea, kae e hēki fakalogo ki ei nā māmoe.

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 13:15

Kua kō faia he fakatakitakiga mo koutou, kae ke fai ai foki e koutou, e vē lava oi fai e au mo koutou.

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 3:29

Ko te tama fakaipoipo, ko te tino ia e a ia te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa.

1 Kolinito 11:1

Fakatakitaki mai la ki a te au, e vē oi fakatakitaki au ki a Keliho.

Efeho 5:1

Ona ko koutou ni fānau fakapelepele e a te Atua, e tatau ai koutou ke taumafai ke vē koutou ko ia.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Epelu 6:20

Kua muamua ia ma o tātou hui, ma kua kavea ma Ulu Ohitāulaga e fakavavau, i te puikāiga ohitāulaga a Melekiheteka.

1 Petelu 2:21

Ko tēnei te mea na kalagagia ai koutou e te Atua, auā ko Keliho lava ia na puapuagā mo koutou, ma ia tukua mo koutou he fakatakitakiga, kae ke mulimuli ai koutou ki nā mea nae ia faia.

1 Petelu 4:1

Ona ko Keliho na maua i nā puapuagā o te tino, e tatau foki la koutou ke fakamākeke ma taumafai ke vē foki koutou ko ia; auā ko ai lava e puapuagā i te tino, e hē toe faia e ia te agahala.

1 Petelu 5:3

Nahe koutou taumafai ke pule mālohi ki nā tino e koutou kikilagia, kae taumafai ke fai koutou ma fakatakitakiga ki te lafu māmoe.