Ioane 1:9 - Tokelauan New Testament

⁹ Ko te mālamalama moni tēnei — ko te mālamalama e hau ki te lalolagi ma huhulu atu ki tagata uma, kae ke ki lātou kitea ai te meamoni.

Ioane 1:9 Iomraidhean Croise

Mataio 6:23

kae kāfai ō mata e kino, ko tō tino kātoa ka i te pōuliuli. Kāfai la ko te mōlī i loto o koe ko te pōuliuli, kai te kino ātili lele o te pōuli ka i ei ai!

Luka 11:36

Kāfai tō tino kātoa e tumu i te mālama ma e hēai hona vāega e i te pōuli, ka mālama lahi kātoa uma e vē lava kāfai he mōlī e huhulu mālohi ki a te koe.”

Ioane 1:4

Ko te Kupu ko te puna o te ola, ma ko te ola tēnei na kaumaia te mālamalama ki tagata.

Ioane 1:7

na hau ke fai ma molimau, ma fakailoa atu ki tagata e uiga ki te mālamalama, kae ke talitonu uma ai ki lātou ona ko ia.

Ioane 12:46

Ko au kua hau ki te lalolagi e vē he mālamalama, kae ke nahe tūmau ai i te pōuli, ki lātou uma e talitonu mai ki a te au.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 15:1

Kua toe vāgana atu ia Iehu, “Ko au ko te vine moni, ka ko toku Tamana ko te galue vine.

Ioane 6:32

Oi lea atu ai ia Iehu ki a te ki lātou, “E takutino atu e au ki a te koutou te meamoni, ko te mea na fōki atu e Mohe e hē he falaoa mai te lagi; ko toku Tamana te ia fōki atua te falaoa moni mai te lagi.

Ioane 7:12

Kua tautalatala muhumuhu te tokalahi o nā tino, e uiga ki a Iehu. Kua lea vē iētahi, “Ko Iehu he tino lelei,” kae lea iētahi, “Hēai, e fakahehē e ia ia tagata.”

1 Ioane 1:8

Kāfai ki mātou e lea e hēai ni a mātou agahala, kua pepelo lava ki mātou ki a te ki mātou, ma e hēai he meamoni ia te ki mātou.

1 Ioane 2:8

Kae ko te fakatonuga e tuhi atu ai au i te taimi nei, ko he fakatonuga fou, auā ko tona fakamāoniga e kitea e ala ia Keliho ma vēnā foki ia te koutou. Auā ko te pōuliuli e gaholo e matafi kehe, ma ko te mālamalama moni kua huhulu mai.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.