Ioane 1:5 - Tokelauan New Testament

⁵ Ko te mālamalama e huhulu i loto te pōuliuli, ma e hēki mafai lele e te pōuliuli oi tāmate.

Ioane 1:5 Iomraidhean Croise

Mataio 5:15

E hēai foki he tino e ia tutua he mōlī oi tuku ai ki lalo o he tānoa; kae e tuku e ia ki luga o he tugāmōlī, te mea e māina ai ki nā tino uma i loto o te fale.

Ioane 1:10

Ko te Kupu nae i te lalolagi, ma ko te lalolagi na gaohia e ala ia te ia, kae e hēki iloa ia e te lalolagi.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.