Filipi 4:8 - Tokelauan New Testament

⁸ Ko aku toe kupu te kau uho, ni a lava ni mea e lelei ma maua ai he vīkiga, ni mea e moni, ni mea e mamalu, ni mea e tonu, ni mea e mamā, ni mea e gali, ni mea e lelei kātoatoa, koutou ke māfaufau pea lava ki ei.

Filipi 4:8 Iomraidhean Croise

Mataio 22:16

Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Maleko 6:20

Ko Helota nae mataku ia Ioane, ona na ia iloagia ko he tino āmiotonu ma mālohi tona fakatuatua ki te Atua, ko te mea ia nae ia kikila lelei ai ke nahe i ei he mea e tupu ki ei. Nae fiafia lele oi fakalogologo ki a Ioane e ui lava e ia lagona te popole o tona loto i taimi uma e ia lagona ai ia Ioane e tautala.

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Luka 2:25

I te vāitaimi tēnā, nae i ei he tino nae igoa ki a Himeona nae nofo i Ieluhalema. Ko he tino lelei ma mataku i te Atua, ma nae fakatalitali ke laveaki e te Atua ia Ihalaelu. Nae fakatahi te Agaga Paia ma ia,

Luka 23:50

Nae i ei he tamāloa e igoa ki a Iohefa, e hau mai Alimatea, he tamā kakai ei Iutea. Ko he tino lelei ma fakaaloalogia, nae fakatalitali ma te amanaki, ke pa mai te Mālō o te Atua. E ui ko he tino e i loto o te Taupulega, kae e hēki kau ki a lātou fuafuaga ma a lātou tonu na fai.

Ioane 7:18

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 22:12

“Nae i te kakai tēnā he tino e igoa ki a Anania, he tino lotu nae uhiuhitaki ki te tātou Tūlāfono, ma nae fakaaloalogia lahi lele e nā tino Iutaia e nonofo i kinā.

Gāluega 6:3

Ko te mea ia te kau uho, filifili mai ko ni tino o koutou e toka fitu ke ki lātou faia te gāluega tēnei. Ni tino kua fakamoemoegia ma e iloa e tagata kua fakatumulia ki lātou i te Agaga Paia ma i te poto.

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

Loma 13:3

Auā ko nā tino e i ei te pule, e hē tatau ke mātataku ai ki lātou e faia nā mea e lelei, kae vaganā ai ki lātou e faia nā mea e kino. E fofou koutou ko koutou ke nahe mātataku i nā tino e i ei te pule? Fai la nā mea e lelei, oi taku leleia ai koutou e ki lātou,

Loma 14:18

Ma kāfai koe e tautua ki a Keliho i te auala tēnei, ka fiafia ai te Atua ma fakaaloalo atu ia tagata ki a te koe.

Loma 2:29

Ka ko te Iutaia moni, ko ia tēnā e Iutaia i loto, ma ko te pelitome moni ko he mea e i te fatumanava o te tino — he mea e māfua ona ko te gāluega a te Agaga Paia, kae hē ona ko te Tūlāfono kua tuhituhia. Ko te tino e vēnei, e maua e ia he vīkiga mai te Atua, kae hē mai tagata.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

2 Kolinito 13:7

Ko ki mātou e tatalo ki te Atua, ke nahe koutou faia nā mea hehē — e hē ona ke fakaalia ai ko ki mātou kua pāhi i te hukega, kae ke mafai ai ke fai e koutou te mea e tonu, e ui lava e vē ka ono fōliga ai ko ki mātou e hēki pāhi.

2 Kolinito 6:8

Ko ki mātou e taku leleia e iētahi kae inohia e iētahi; e tauemua e iētahi kae fakavikiviki e iētahi. Ko faiga a tagata e fai mai ki a te ki mātou e vē ai ki mātou ni tino talapepelo, oi ka ko ki mātou e tautatala lava i te meamoni.

2 Kolinito 8:18

Kua ki mātou uga atua fakatahi ma Tito, te uho a kaukauna, kua lauiloa i nā Ekalehia uma, i tana gāluega ko te folafolaga o te Tala Lelei.

2 Kolinito 8:21

Ko te mea e fofou ki mātou ki ei, ke fai te mea e hako, e hē gata i te hilafaga a te Aliki, kae vēnā foki i te kikila a tagata.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Efeho 4:25

Ko te mea ia, tuku loa te faitala pepelo. Ko ki tātou uma ni vāega e o te tino o Keliho, e tatau la ke tautala te uho Kelihiano ki tētahi ona uho, i te meamoni.

Efeho 5:9

auā ko te mālamalama te kaumaia te helehelega o nā itūkāigā lelei uma lele, te āmiotonu ma te meamoni.

Efeho 6:14

Tutū la ma hāuniuni! Ke kavea te kupu moni ke vē he fuhipaku e fuhi ai outou taugātiti, ma te āmiotonu ke vē he talipupuni fatafata mo koutou,

Filipi 3:1

Ko aku toe kupu, te kau uho, koutou ke fiafia i te māfutaga a koutou fakatahi ma te Aliki. E hēai he mea e i ei kāfai au ka toe lea atu i nā mea na tuhi atu ai au muamua. E mo te koutou haogalēmū kāfai au e toe lea atu ai.

Kolohe 4:5

Ke koutou iloa oi fai te koutou āmio i te va feagai ma tagata hē talitonu, ma ke fakaaogā lelei nā avanoa vēnā.

1 Tehalonia 4:12

Kā koutou faia nā mea tēnei, ka fakaaloalo atu ai foki ki a te koutou nā tino e hē talitonu ki te Atua, ma ka hē toe fakalagolago ai foki koutou ki he tino, e tuha ai ma nā mea e manakomia e koutou.

1 Timoteo 2:2

mo tupu ma ki lātou uma e i ei te pule, kae ke mafai ai ki tātou ke ola i he ōlaga e toka fīlēmū, ma ifo atu ki te Atua ma te agaga fakaaloalo.

1 Timoteo 3:11

Ko nā āvaga a ki lātou e tatau foki ni tino e āmio lelei ma e hē faitala fakakino; e tatau ke fai fuafua lelei o lātou uiga ma ke fakamāoni i mea uma.

1 Timoteo 3:4

e tatau ke ia mafaia oi kikila lelei tona kāiga, ma akoako tana fānau ke iloa uhitaki ma fakaaloalo.

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

1 Timoteo 5:10

ma e tatau ke i ei he fakamāoniga o ana gāluega lelei nae fai: he fafine nae tauhi lelei ki tana fānau, nae talia e ia ni tino kehe ki tona fale, nae faia ni gāluega ma te loto maulalo mo iētahi tagata Kelihiano, nae fehoahoani ki nā tino puapuagātia, ma nae tuku tahi tona loto ki te faiga o nā gāluega e lelei.

1 Timoteo 5:2

ko fafine mātutua ke vē ni mātua, ma fafine talavou ke vē ni tuafafine, ma tō loto mamā kātoatoa.

Tito 1:8

Kae ke loto alofa ki nā tino kehe, ma fiafia oi fai nā mea lelei. E tatau ko he tino e pūlea tona loto, e fai mea tonu, e āmio paia, ma e lava te onohai.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Tito 2:2

Fakatonu nā tamāloa mātutua ke nahe konanā, ke popoto ma ola pūlea; ke mautū i to lātou fakatuatua, ke alolofa ma ke onohai.

Tito 2:7

E tatau koe ke kavea ma fakatakitakiga ki tagata i taimi uma lava, e tuha ai ma te faiga o nā gāluega lelei. E tatau koe ke fakamāoni ma loto naunau lahi i au akoakoga e fai.

Tito 3:14

E tatau o tātou tagata Kelihiano i Kelete ke ki lātou iloa oi fakaaogā o lātou taimi ke fai ai ni gāluega lelei, kae ke mafai ai ke fehoahoani ki nā tino e fofou vave ki he fehoahoani; e hē tatau ke ola ki lātou i he ōlaga e hē tupu mai ai ni fua lelei.

Epelu 11:2

Ko te fakatuatua o nā tino i nā aho anamua na talia ai ki lātou e te Atua.

Epelu 13:18

Nahe uma te koutou tatalo mo ki mātou. Ko o mātou lotofuatia e mamā, ma e taumafai lava ki mātou i taimi uma, ke fai te mea e tonu.

Iakopo 1:27

Ko te mea e mamā i mua o te Atua ma ko te tāpuakiga moni ia, ko tēnei: ko te fehoahoani ki tamaiti mātua oti ma fafine kua feoti a lātou tāne, i nā mea e puapuagā ai, ma ke nahe pīhia lele koutou i nā uiga kino o te lalolagi.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

1 Petelu 4:8

Kae fakahilihili ai, ke tūmau pea lava te alofa o tētahi ki tētahi, auā ko te alofa e kave kehea ai te lahi o agahala.

2 Petelu 3:1

Te kau uho pele, ko te lua tēnei o aku tuhi e kavatu ki a te koutou. I nā tuhi e lua iēnei, e fakamanatu atu lava e au nā mea iēnei kae ke fakatupu ai ni manatu mamā ia te koutou.

1 Ioane 3:18

Taku fānau, ki tātou nahe alolofa i ni kupu ma ni tala, kae ia tātou gāluega e fai ma te alofa moni.

1 Ioane 3:3

Ko nā tino uma e i ei to lātou fakamoemoe ia Keliho, ka fakamamā pea lava ki lātou e ki lātou, e vē foki lava ko Keliho e mamā.

1 Ioane 4:1

Te kau uho pele, koutou nahe talitonu ki nā tino uma e lea e ia te ki lātou te Agaga, kae hukehuke lelei ma hakili ke koutou iloa pe ko te agaga e ia te ki lātou e mai te Atua. Auā e tokalahi ia pelofeta pepelo kua olo ki itū kehekehe o te lalolagi.