Filipi 4:7 - Tokelauan New Testament

⁷ Ma ko te fīlēmū o te Atua, tēia e hē tāitai ke pa ki ei te mālamalama o te tagata, ka puipui malu ki outou loto ma outou māfaufau, i te māfutaga fakatahi ma Keliho Iehu.

Filipi 4:7 Iomraidhean Croise

Luka 1:79

ma fakahuhulu ifo mai te lagi ki luga o nā tino uma e nonofo i te pōuli o te ata o te oti, ke takitaki ai o tātou vae ki te auala o te fīlēmū.”

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Ioane 14:27

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

Loma 8:6

Kāfai te māfaufau e pūlea e te natula fakatetagata, ko te ikuga ko te oti; kāfai e pūlea e te Agaga, ko te ikuga ko te ola ma te fīlēmū.

2 Kolinito 10:5

e talepe ki lalo e ki mātou nā mea uma e fakatutū ke fai ma lave ki te mālamalama o tagata, e uiga ki te Atua. E puke fakamālohi e ki mātou ia manatu tau tokatahi uma, ma fakamālohia ke uhitaki ki a Keliho.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Efeho 3:19

Io, ko au e tatalo ke iloa e koutou tona alofa, e ui lava e hē mafai ke iloa kātoatoa te uiga kehe o tona alofa — ma ke fakatumulia kātoatoa ai koutou i te natula o te Atua.

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

Filipi 1:2

Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Filipi 4:19

Ma ka fōki atu e toku Atua ki a te koutou mai te lahi o tona tamaokāiga e ala ia Keliho Iehu, nā mea uma lele e fofou koutou ki ei.

Filipi 4:21

E fakafeiloaki atu ki nā tino uma o te Atua e ala ia Keliho Iehu. E fakafeiloaki atu foki ki a te koutou, te kau uho e fakatahi ki mātou i kinei.

Filipi 4:9

Fakatino nā mea na iloa ma maua e koutou mai ia te au, e hē gata i aku kupu kae vēnā foki aku gāluega. Ma ko te Atua e maua ai e ki tātou te fīlēmū, ka fakatahi ma koutou.

Kolohe 3:15

Ko te fīlēmū e fōki atu e Keliho, ke takitakia ai koutou i autou tonu e fai; auā ko te fīlēmū tēnei kua kalagagia fakatahi ai koutou e te Atua, i te tino e tahi. Ma e tatau la koutou ke maua i te loto fakafetai.

2 Tehalonia 3:16

Ke fōki atu e te Aliki o te fīlēmū ki a te koutou i taimi uma ma aho uma lava, te fīlēmū. Ke fakatahi pea lava te Aliki ma koutou.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho:

Fakaaliga 1:4

Mai ia Ioane, ki nā Ekalehia e fitu i Ahia. Ke ia te koutou te alofa tūnoa ma te fīlēmū mai te Atua, tē e ola nei, nae ola pea lava, ma ka haele mai, vēnā foki mai nā agaga e fitu kua i mua o tona nofoāliki;

Fakaaliga 2:17

“Kāfai e i ei ni outou taliga, fakalogo la ki te mea e lea ai te Agaga ki nā Ekalehia! “Ki nā tino e ki lātou mauagia te manumālō, ka kō fōkia ki ei he vāega o nā mānai nae mumuni. Ka kō fōkia foki ki a te ki lātou tau tokatahi, he fatu paepae e tūhia i luga he igoa fou e hē iloa e he tino, vaganā ai te tino e fōki e au ki ei.