Filipi 4:6 - Tokelauan New Testament

⁶ Koutou nahe popole ki he mea e fokotahi, kae tatalo ki te Atua ki nā mea uma e fofou koutou ki ei, gogō atu ki a te ia ma te loto fakafetai.

Filipi 4:6 Iomraidhean Croise

Mataio 10:19

Kāfai koutou e kave e ki lātou ki te fakamahinoga, koutou nahe popole pe ka vēhea ake hautou tala e fai ki ei, ma pe fakakupu vēhea foki; ka pa ki te taimi tēnā, ka fōki atu lava ki a te koutou nā kupu ke tautatala ai koutou.

Mataio 13:22

Ko nā fatu haito na pakukū ki te mea e ola ai nā vao mātuituia, e fakatuha ki nā tino e ki lātou lagona te fekau a te Atua; kae ko popōlega o te ōlaga ma te mānumanu ki koloa o te lalolagi, kua taomia ai te fekau ma hē fua mai ai ni fua.

Mataio 6:34

Ko te mea ia, koutou nahe popole ki te aho taeao; auā ka popole lava te aho taeao ki a te ia lava. Kua lava lava nā fakafītāuli o te aho mo te aho lava tēnā.

Mataio 6:8

Koutou nahe fakatakitaki ki ei. Kua uma te iloa e te koutou Tamana nā mea e fofou koutou ki ei ka ko hēki lea atu koutou ki a te ia.

Luka 10:41

Kua tali atu ki ei te Aliki, “Mafa, Mafa! Te lahi o nā mea e fakaatu ma popole koe ki ei,

Luka 12:22

Kua vāgana atu ia Iehu ki ona hoko, “Ko te mea ia e lea atu ai au ki a te koutou, ia koutou nahe popole ki nā ola o koutou, pe ni a te ka kakai ai koutou; nahe popole foki ki nā tino o koutou, pe ni a te ka kokofu ai koutou.

Luka 12:29

“Ko te mea ia, nahe koutou popole pe ni ā ta koutou e kai pe inu.

Luka 18:1

Oi fai ai e Iehu he talafakatuha ki ona hoko, ke ki lātou iloa ai e tatau lava ki lātou ke fakamākekeke oi tatalo, ma ke nahe fakavāivai lele.

Luka 18:7

Ka hē fehoahoani nei te Atua ki ona tagata e tatalo atu pea lava ki a te ia i te ao ma te pō, mo tana fehoahoani? E i na tuai nei oi fehoahoani te Atua ki a te ki lātou?

1 Kolinito 7:21

Nae he pologa nei koe i te taimi na kalaga atu ai te Atua ki a te koe? Nahe kē popole la ki te itū tēnā; kae kāfai e maua e koe he avanoa ke fakahaoloto ai koe, fakaaogā.

1 Kolinito 7:32

Ko au e hē fofou ko koutou ke popole. Ko te tino e hēki fakaipoipo e fano tona māfaufau ki te gāluega a te Aliki, auā e taumafai ke fai e ia te mea e fiafia ai te Aliki.

2 Kolinito 1:11

E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

Efeho 5:20

Ke fakafetai pea lava koutou ki te Atua te Tamana mo nā mea uma lele, i te igoa o to tātou Aliki ko Iehu Keliho.

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Kolohe 3:15

Ko te fīlēmū e fōki atu e Keliho, ke takitakia ai koutou i autou tonu e fai; auā ko te fīlēmū tēnei kua kalagagia fakatahi ai koutou e te Atua, i te tino e tahi. Ma e tatau la koutou ke maua i te loto fakafetai.

Kolohe 3:17

Ko nā mea uma la e fai e koutou, e tatau ke fai e koutou mo te Aliki ko Iehu, e vē oi fakafetai koutou kui atu ia te ia, ki te Atua te Tamana.

Kolohe 4:2

Tatalo pea lava ma mataala i nā taimi e tatalo ai koutou, ma hiki ake te fakafetai ki te Atua.

1 Timoteo 2:1

Ko te mea muamua la, ko au e aioi atu ko koutou ke ole atu ki te Atua mo nā manakoga o tagata uma, ke tatalo mo iētahi tino ma tatalo ma hui o ki lātou, ma ke fakafetai ki te Atua mo tagata uma,

1 Timoteo 5:5

Ko he fafine kua oti tana āvaga e nofo tautahi ma hēai he tino e ia tauhiagia, kua tukutahi tona fakamoemoe ki te Atua, ma e tatalo pea lava i te ao ma te pō, mo he fehoahoani.

1 Petelu 4:7

Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.

1 Petelu 5:7

Ko te Atua e alofa ki a te koutou, tuku atu la ki a te ia nā mea uma e popole ai koutou.