Filipi 4:4 - Tokelauan New Testament

⁴ Koutou ke fiafia pea lava i te māfutaga a koutou fakatahi ma te Aliki. Ko au e toe lea atu; koutou ke fiafia!

Filipi 4:4 Iomraidhean Croise

Mataio 5:12

Koutou ke olioli ma fiafia, auā e i te lagi te koutou taui lahi. Nae vēnā foki lava nā fakahāuāga nae fai e tagata ki nā pelofeta i nā aho kua teka.

Gāluega 16:25

I te taimi pe ko te vaeluapō, ko Paulo ma Hila e uhu a lā pehe halamo e viviki ai ki te Atua, ka ko iētahi pagotā e fakalogologo ki ei.

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

Loma 12:12

Ke kavea te koutou fakamoemoe ma mea e fiafia ai pea lava koutou, onohai i nā puapuagā, ma tatalo i taimi uma.

2 Kolinito 6:10

e ui e fakanoanoa, kae ko ki mātou e fiafia i taimi uma; e ui e vē ki mātou e mātitiva, kae kua maukoloa te tokalahi o tagata ona ko ki mātou; e ui e vē ki mātou e hēai ni mea, kae ko nā mea uma lele e a ki mātou.

Kalatia 1:8

Kae e tuha pe ko ki mātou, pe he agelu mai te lagi e ia tālakia he “Tala Lelei” e kehe mai i te Tala Lelei na tālaki atu e ki mātou ki a te koutou, ke fakamālaia e te Atua te tino tēnā.

Filipi 2:18

E vēnā foki la oi tatau ke fiafia ma olioli koutou fakatahi ma au.

Filipi 3:1

Ko aku toe kupu, te kau uho, koutou ke fiafia i te māfutaga a koutou fakatahi ma te Aliki. E hēai he mea e i ei kāfai au ka toe lea atu i nā mea na tuhi atu ai au muamua. E mo te koutou haogalēmū kāfai au e toe lea atu ai.

1 Petelu 4:13

Kae fiafia ona ko te avanoa ke puapuagā ai foki koutou e vē oi puapuagā ia Keliho, kae ke fakatumulia ai koutou i te fiafia kāfai tona mamalu e fakaalia.