Filipi 4:3 - Tokelauan New Testament

³ Ma ko koe foki toku hoa moni, ko au e fofou ko koe ke fehoahoani ki nā fafine iēnei; auā nae gālulue mālohi ki lāua fakatahi ma au i te tālakiga o te Tala Lelei, fakatahi ma Kelemete ma iētahi hoā kaukauna, iēia kua tūhia o lātou igoa i te tuhi o te ola, a te Atua.

Filipi 4:3 Iomraidhean Croise

Luka 10:20

Kae ia koutou nahe fiafia ona ko nā agaga kino e uhitaki atu ki a te koutou; kae fiafia auā ko nā igoa o koutou kua tuhituhia i te lagi.”

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

Loma 16:12

E fakafeiloaki atu kinā mātua ki a Tufaina ma Tufohana, e gālulue i te gāluega a te Aliki, vēnā te mātua ma te uō pele ko Peloita, kua lahi ana gāluega e fai mo te Aliki.

Loma 16:9

E fakafeiloaki atu foki ki a Oupana, te uho a kaukauna i te gāluega a Keliho, ma Hitahu taku uō pele.

Filipi 1:12

Te kau uho, ko au e fofou ke koutou iloa ko te mea kua tupu ki a te au, kua ātili lele ai te tokalahi o tagata kua fakalogo ki te Tala Lelei.

Filipi 1:16

ma te alofa, auā e ki lātou iloa ko au kua tōfia e te Atua ke fakamāonia te moni o te Tala Lelei.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 1:5

ona ko tautou fehoahoani ki a te au i te tālakiga o te Tala Lelei, mai te aho muamua ke pa mai nei.

Filipi 1:7

Ko koutou e i toku loto i taimi uma lava. Ma ko he mea tatau foki lava ke ia te au ni lagona vēnei e uiga ki a te koutou. Auā ko koutou uma ni hoa e o oku i te gāluega tēnei na tuku mai e te Atua ki a te au i tona alofa tūnoa, e hē gata i te taimi nei e falepuipui ai au, kae vēnā foki i nā taimi nae haoloto ai au ke fai ma molimau ki tagata ki te moni o te Tala Lelei, kae ke fakamautū ai to lātou talitonu ki ei.

Filipi 4:2

Euotia ma Hutuke, ko koulua ni tino e o te Aliki, ma ko te mea ia e talohaga atu ai au, ke fakauma loa nā fekehekeheakiga o koulua.

Kolohe 1:7

Kua iloa e koutou te alofa tūnoa o te Atua, mai ia Epafalahi to mātou uho a kaukauna fakapelepele, te kaukauna fakamāoni a Keliho kua fai ma o mātou hui.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.

Fakaaliga 20:12

Oi kō kitea atu ai nā tino kua oti, ki lātou e takutakua vēnā ma ki lātou e fakatauva, e tutū i mua o te nofoāliki. Kua tatala nā tuhi, ma na tatala ai foki ma hētahi tuhi, te tuhi o te ola. Kua fakamahino nā tino kua oti e tuha ai ma a lātou mea nae fai, e vē oi fakamaumau i loto o nā tuhi.

Fakaaliga 20:15

Ko nā tino e hēki tūhia o lātou igoa i loto o te tuhi o te ola, kua togi ki loto o te vaitūloto o te afi mumū.

Fakaaliga 21:27

Kae ka hēai lele he mea e hē mamā e fakaulu ki loto o te kakai, pe he tino e fai āmio mātagā pe talapepelo. Nā ko nā tino lava e tūhia o lātou igoa i te tuhi o te ola a te Punuamāmoe, te ka mafai oi ulufale ki loto o te kakai.

Fakaaliga 3:5

Ko nā tino kua ki lātou mauagia te manumālō, ka kokofu vēnei i nā kofu paepae, ma ka hē kave keheagia e au o lātou igoa mai te tuhi o te ola. I mua o toku Tamana ma ana agelu, ka fakailoa atu e au ko ki lātou e āku.