Filipi 3:17 - Tokelauan New Testament

¹⁷ Te kau uho, fakatakitaki mai ki a te au, ma ke maua he koutou akoakoga mai nā tino e mulimuli ki nā fakatakitakiga kua tuku atu e ki mātou mo koutou.

Filipi 3:17 Iomraidhean Croise

Filipi 4:9

Fakatino nā mea na iloa ma maua e koutou mai ia te au, e hē gata i aku kupu kae vēnā foki aku gāluega. Ma ko te Atua e maua ai e ki tātou te fīlēmū, ka fakatahi ma koutou.

1 Kolinito 4:16

Ko au la e fautua mālohi atu ki a te koutou, ko koutou ke mulimuli ki aku fakatakitakiga.

1 Petelu 5:3

Nahe koutou taumafai ke pule mālohi ki nā tino e koutou kikilagia, kae taumafai ke fai koutou ma fakatakitakiga ki te lafu māmoe.

2 Tehalonia 3:9

Na fai e ki mātou te mea tēnei, e hē vē ona e hē ia te ki mātou he aiātatau ke lea atu ai ki nā mea e tauhi ai ki mātou; kae na ki mātou faia ke fai ma fakatakitakiga ke mulimuli koutou ki ei.

Epelu 13:7

Māfaufau ki nā takitaki muamua o koutou kua momoe atu, iēia na ki lātou fakailoa atua te kupu a te Atua ki a te koutou. Māfaufau ki o lātou ōlaga ma pe na vēhea ona feoti, ma fakatakitaki ki to lātou fakatuatua.

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

2 Tehalonia 3:7

Auā kua iloa lelei lava e koutou, ko koutou e tatau ke fakatakitaki mai ki a te ki mātou; ko ki mātou nae hē ola i he ōlaga paiē i te taimi nae fakatahi ai ki tātou.

1 Kolinito 10:32

Nahe koutou faia he mea e tauhūai ai nā tino Iutaia pe ko tagata nukukehe pe ko te Ekalehia a te Atua.

2 Tehalonia 3:14

Ātonu e i ei ni tino i kinā ka hē fia fakalogo ki te fekau kua kavatu e ki mātou i te tuhi tēnei. Kāfai e i ei ni tino vēnā, ke koutou iloa pe ko ai ki lātou, ma nahe koutou toe fakapipiki ki ei kae ke fai tēnā ma mea e lagona ai e ki lātou te mā.

1 Tehalonia 1:6

Ko koutou na mulimuli ki nā fakatakitakiga a ki mātou ma te Aliki; ma e ui na puapuagā lahi ai koutou, kae na talia e koutou te fekau i te fiafia e maua mai i te Agaga Paia.

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

1 Kolinito 11:1

Fakatakitaki mai la ki a te au, e vē oi fakatakitaki au ki a Keliho.