Filipi 3:16 - Tokelauan New Testament

¹⁶ Oioti lava te mea, tātou pipiki mau pea ki nā tūlāfono nae mulimuli ki tātou ki ei mai te kāmataga, ke pa mai ki te taimi nei.

Filipi 3:16 Iomraidhean Croise

Loma 12:16

Koutou ke ola fealofani. Koutou nahe fia hihili, kae fakamāhani ki nā tino loto maulalo. Koutou nahe fia popoto.

Loma 15:5

Ke kavea te Atua, te puna o te onohai ma te fakamālohi, ma mea e tahi ai te manatu ia te koutou, ona ko te koutou mulimuli ki nā fakatakitakiga a Keliho Iehu,

Kalatia 5:7

Ko koutou nae fētutuli lelei lele! Ko ai te nae fakalavelave atu ki a te koutou ma kua hē mafai ai koutou ke talitonu ki te meamoni?

Kalatia 6:16

Kae vē la ki a te ki lātou uma e mulimuli ki te tūlāfono tēnei, ke ia te ki lātou te fīlēmū ma te alofa tūnoa, ma ke vēnā foki ona i ei i tagata uma o te Atua.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 2:2

Ko au la e naunau lele ke fakakātoatoa e koutou toku fiafia, kāfai koutou e tahi i te manatu, tahi i te alofa, ma tahi i te loto ma te māfaufau.

Filipi 4:2

Euotia ma Hutuke, ko koulua ni tino e o te Aliki, ma ko te mea ia e talohaga atu ai au, ke fakauma loa nā fekehekeheakiga o koulua.

Kolohe 2:6

Ona kua koutou taliagia ia Keliho Iehu ko te Aliki, ola foki la i te māfutaga fakatahi ma ia.

Kolohe 4:2

Tatalo pea lava ma mataala i nā taimi e tatalo ai koutou, ma hiki ake te fakafetai ki te Atua.

Fakaaliga 3:3

Ke manatua la nā mea na akoako atu ai koutou, ma nā mea na fakalogo koutou ki ei; uhitaki ki ei ma liliu kehe mai autou agahala. Kāfai koutou ka hē āla ki luga, ko au ka fanatu ki a te koutou e vē he tino kaihohoa, ma ka hē koutou iloa te taimi e fanatu ai au.