Filipi 3:10 - Tokelauan New Testament

¹⁰ Oioti lava la te mea e fofou au ki ei, ke iloa e au ia Keliho ma te mana o tona toetū, ke puapuagā au e vē ko ia, ma ke oti foki au e vē ko ia

Filipi 3:10 Iomraidhean Croise

Mataio 20:23

Oi lea atu ai ia Iehu ki ei, “E moni ko koulua ka inu ki taku ipu, kae e hē ia te au te pule e filifili ai pe ko ai te ka nofo i toku itū taumatau ma toku itū tauagavale. Ko nā nofoaga iēnei e mo ki lātou kua filifilia e toku Tamana ke nonofo ai.”

Ioane 10:18

E hēai he tino e ia kave kehea toku ola mai ia te au, kae e kō ofo atua i toku loto malie. E ia te au te pule ke ofo atu ai toku ola, ma e ia te au foki te pule e toe kaumai ai. Ko te mea tēnei kua fakatonu mai e toku Tamana ke kō faia.”

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Loma 8:17

Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

Loma 8:29

Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.

Loma 8:36

E vē oi lea mai te tuhituhiga paia, “Ona ko ki mātou e tautua ki a te koe, kua lamatia ai o mātou ola i taimi uma; ko ki mātou e vē ko nā māmoe kua hāuni ke tāmate.”

2 Kolinito 1:10

Na ia fakahaoa ki māua mai te fakamātakutaku kino o te oti; ma ka ia fakahaoa ki māua; ma kua tuku tahi to mā fakamoemoe ki a te ia, ka ia toe fakahaoa ki māua.

2 Kolinito 1:5

E vē ona kau fakatahi ki māua ma Keliho i te lahi o ona puapuagā, e vēnā foki lava oi maua fakatahi e ki māua te lahi o fehoahoani mai te Atua, e ala ia Keliho.

2 Kolinito 13:4

Auā e ui lava ko te vāivai o ia te na fakahātaulo ai, kae ko te mana o te Atua te ola ai nei. I te māfutaga ma ia, ko ki tātou foki e vāivai; kae i te mātou hokotaga ma koutou, ka maua fakatahi ai e ki tātou te mana o te Atua i te ola o Keliho.

Kalatia 2:20

kae ke nahe ko au te ola, kae ko Keliho e ola i loto ia te au. I te ōlaga tēnei e ola ai au i te taimi nei, ko au e ola ona ko toku fakatuatua ki te Ataliki o te Atua, tē e alofa mai ki a te au ma na fōki tona ola kae ke ola ai au.

Kalatia 6:17

E i toku tino nā māila e fai ma fakamāoniga ko au ko he pologa e a Iehu. Nahe i ei la he tino e toe fakahoehā mai ki a te au.

Efeho 4:13

Oi ko ki tātou la ka fuhia fakatahi ke fai ma tino e tahi i to tātou talitonuga ma to tātou iloa o te Ataliki o te Atua; ka kavea ki tātou ma tagata kua kātoatoa te mātutua i to tātou talitonu ki te Atua, e vē foki lava ko Keliho.

Filipi 3:8

E hē nā ko nā mea iēnā oioti. Ia te au, e hēai lele he mea e hili atu te tāua i lo te iloa e au o Keliho Iehu toku Aliki. Kua tīaki e au nā mea uma lele, auā ia te au, ni otaota uma nā mea iēnā. Oioti lava te mea e fofou au ke kō maua ko Keliho,

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

Kolohe 2:13

Ko koutou na i ei te taimi na pa ai koutou ki te oti i te itū fakateagaga, ona ko autou agahala ma e ona ko koutou ni tagata nukukehe ma nae hē koutou iloa te Tūlāfono. Ka kua toe kaumai koutou e te Atua ki he ōlaga fou fakatahi ma Keliho. Kua fakamāgalo ki tātou e te Atua mai ia tātou agahala uma lele;

Kolohe 3:1

Kua uma te fakatutū o koutou mai te oti ki te ola fakatahi ma Keliho. Ke fakatāua la i nā loto o koutou nā mea i te lagi, te mea e nofo ai ia Keliho i tona nofoāliki, i te itū taumatau o te Atua.

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

2 Petelu 1:13

E manatu au ko he tiute e o oku, ke fakamanatu atu pea nā mea iēnei ki a te koutou ka koi ola au,

1 Ioane 2:3

Kāfai ki tātou e uhitaki ki nā mea e fakatonu mai e te Atua, oi ka mautinoa ai e iloa e ki tātou te Atua.

1 Ioane 2:5

Kae kāfai he tino e uhitaki ki tana kupu, ko te meamoni lava, ko te tino tēnā kua kātoatoa te lelei o tona alofa ki te Atua. Ko te mea tēnei e mautinoa ai ko ki tātou e i ei i te māfutaga ma te Atua:

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.