Filipi 2:9 - Tokelauan New Testament

⁹ Ko te mea ia kua fakaeke ake ai ia e te Atua ki te mea e pito hili te maualuga o tona mamalu i te lagi ma fōki ki ei te igoa e hili ona tāua i igoa uma.

Filipi 2:9 Iomraidhean Croise

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Luka 10:22

“Kua fōki mai e toku Tamana ki a te au, nā mea uma lele. E hēai he tino e ia iloa pe ko ai te Ataliki, vaganā te Tamana, ma hēai foki he tino e ia iloa pe ko ai te Tamana, vaganā te Ataliki ma ki lātou kua filifilia e te Ataliki ke fakailoa ki ei.”

Ioane 13:3

Kua uma ai te iloa e Iehu ko te pule kātoa kua tuku ake e te Tamana ki a te ia, ma ko ia na hau mai te Atua ma e toe fano foki lava ki te Atua,

Ioane 17:11

Ma i te taimi nei, ko au ka fanatu ki a te koe; ka hē toe i ei au i te lalolagi, kae e i te lalolagi ki lātou. Te Tamana Paia, puipui malu ki a te ki lātou i te mana o tō igoa, te igoa na kē tuku maia ki a te au, kae ke tahi ai ki lātou e vē ona tahi koe ma au.

Ioane 17:12

Ka koi i ei au ma ki lātou, na puipui malu e au ki lātou i te mana o tō igoa, te igoa na kē tuku maia ki a te au. Na leoleo e au ki lātou, ma e hēki i ei he tino o ki lātou na galo, vaganā ai te tino na tonu lava e galo — kae ke taunuku ai te kupu i te tuhituhiga paia.

Ioane 17:5

Te Tamana, fakailoa ko i te taimi nei e ala i tō fakatahi ma au, toku mamalu, te mamalu nae ia te au fakatahi ma koe, ka ko hēki faia te lalolagi.

Gāluega 5:31

Kua fakaeke ake ia e te Atua ki tona itū taumatau ke fai ma Takitaki ma ke fai foki ma Fakaola, kae ke maua ai e te nuku o Ihalaelu te avanoa ke halamō ai, ma fakamāgalo ai mai a lātou agahala.

Efeho 1:10

Ko te fuafuaga tēnei, te ka fakatino kātoatoa i te taimi e tatau ai, ka tuku fakatahi ai nā mea uma lele na gaohia i te lagi ma te lalolagi, ma kavea ai ia Keliho ma ulu.

Kolohe 1:18

Ko ia ko te ulu o tona tino, ko te Ekalehia tēnā; ko ia ko te puna o te ola mo te Ekalehia. Ko ia ko te Ataliki ulumatua, tē na toe fakatū mai i te oti, kae ke kavea ai ia ma muamua i nā mea uma lele.

2 Tehalonia 1:12

I te faiga tēnei, ka maua ai he vīkiga o te igoa o te Aliki ko Iehu mai ia te koutou, vēnā koutou mai ia te ia, e ala i te alofa tūnoa o to tātou Atua vēnā mai te Aliki ko Iehu Keliho.

Epelu 1:4

Ko te Ataliki e hili atu tona tāua i lo nā agelu, e vē foki lava oi hili atu te tāua o te igoa na fakaigoa ai e te Atua i lo ho he igoa o te kau agelu.

Epelu 1:9

Ko koe e fiafia ki te mea e tonu kae inoino ki te mea e hehē. Ko te mea ia kua filifilia ai koe e te Atua, tō Atua ma kua ia fōki atua ki a te koe he mamalu e fiafia ai koe e hili atu i lo te mamalu kua ia fōkia ki nā hoa o koe.”

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Epelu 2:9

Kae kua ki tātou kitea ia Iehu, tē na fakamaulalogia i lo nā agelu mo hina taimi, kae ke oti ai ia e ala i te alofa tūnoa o te Atua, mo tagata uma lele. I te taimi nei la, kua kitea e ki tātou ko Iehu kua fakapalegia i te paia ma te mamalu, ona ko tona onohai i nā puapuagā na pa ia ki ei i tona mate.

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.

2 Petelu 1:17

Nae i ei ki mātou i te tuku atuga ki a te ia e te Atua te Tamana, te mamalu ma te vīkiga, i te fanaifoga o te leo ki a te ia mai te Mamalu Hilihilikehe e vē ifo, “Ko toku Ataliki fakapelepele tēnei, e fiafia lahi au ki ei!”

3 Ioane 1:7

Auā kua malaga atu ki lātou ke tautua ki a Keliho, ma e hēki ki lātou taliagia he fehoahoani mai nā tino fakapaupau.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”

Fakaaliga 19:16

E tūhia i luga o te vāega o tona kofu tatao i luga o tona ālaga te igoa iēnei, “Ko te Tupu o tupu ma te Aliki o aliki.”

Fakaaliga 3:21

Ki nā tino e maua e ki lātou te manumālō, ka fōki e au ki ei te avanoa ke nonofo ai i oku tafa i luga o toku nofoāliki, e vē foki lava ko au na manumālō, ma kua nofo ai nei au i tafa o toku Tamana i luga o tona nofoāliki.

Fakaaliga 5:12

ma e pepehe leo lahi: “Ko te Punuamāmoe na tāmate kua ia te ia te pule ke tuku atu ki ei te mana, te tamaokāiga, te poto ma te mālohi te fakaaloalo, te vīkiga ma te fakafetai.”