Filipi 2:7 - Tokelauan New Testament

⁷ Kae ko ia lava te na fofou ke tīaki iēnei mea uma kua ia te ia, ma na kavea ia ma kaukauna. Na kavea ia e vē ko he tagata ola ma ko ona fōliga na kitea ni fōliga o he tagata ola

Filipi 2:7 Iomraidhean Croise

Mataio 12:18

“Ko taku kaukauna tēnei, kua kō filifilia, tē e alofa au ki ei, ma fiafia lahi ai au. Ka kō fakatumulia ia i toku Agaga, ma ka ia fakailoa atua ki mālō uma, ma ka ki lātou maua te fakaolataga mai ia te au.

Mataio 20:28

e vē ko te Ataliki o te Tagata e hēki hau kae ke kaukauna ake ai ia tagata ki a te ia, kae na hau ke kaukauna ki tagata ma tuku atu tona ola ke fakaola ai te tokalahi.”

Maleko 9:12

Kua tali mai ia Iehu, “E hako ko Elia e hau muamua ke toe tukutuku tonu ia mea uma. Ka ko he ā nei foki la te tūhia ai i nā Tuhituhiga Paia, ko te Ataliki o te Tagata e tatau ke maua i nā puapuagā e lahi ma teteke e tagata?

Luka 22:27

Ko ai te hili, ko te tino e nofo ki lalo oi kai, pe ko te tino e tautua ki ei? E hē ko te tino nei e nofo ki lalo oi kai? Kae i te taku māfutaga ma koutou, ko au ko he tino e tautua.

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Loma 1:3

Ko te Tala Lelei e fakatatau ki tona Ataliki, to tātou Aliki ko Iehu Keliho! I tona itū tagata, na tupuga mai ia Tavita. Kae ko te Agaga Paia na fakamāonia ai ko Iehu ko te Ataliki o te Atua, ma e uiga kehe tona mālohi i te kua toe fakatū mai i te oti.

Loma 15:3

Auā e hēki faia e Keliho ni mea ke fiafia ai lava ia. Kae e vē oi lea mai te tuhituhiga paia, “Ko a lātou kupu tau fakakino na lafo atu ki a te koutou, kua pakukū uma mai ki oku luga.”

Loma 15:8

Auā e lea atu au ki a te koutou, ko te ōlaga tautua o Keliho nae mo tagata Iutaia, ke iloa ai ko te Atua e fakamāoni, ke fakataunuku ana folafolaga ki o lātou tupuna,

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

2 Kolinito 13:4

Auā e ui lava ko te vāivai o ia te na fakahātaulo ai, kae ko te mana o te Atua te ola ai nei. I te māfutaga ma ia, ko ki tātou foki e vāivai; kae i te mātou hokotaga ma koutou, ka maua fakatahi ai e ki tātou te mana o te Atua i te ola o Keliho.

2 Kolinito 8:9

Auā kua koutou iloa te alofa tūnoa o to tātou Aliki ko Iehu Keliho; e ui lava nae tamaokāiga, kae na mativa ona ko koutou, kae ke tamaokāiga ai koutou, e ala i tona mativa.

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,

Filipi 2:6

Nae ia te ia lava te natula o te Atua, kae e hēki fofou lele ko ia ke tūmau te tutuha ma te Atua.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Epelu 13:3

Ke manatua e koutou nā tino i te falepuipui, e vē lava koutou ni tino nae i te falepuipui ma ki lātou. Ke manatua nā tino puapuagā e vē lava ko koutou ni tino nae puapuagā e vē ko ki lātou.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.