Filipi 2:3 - Tokelauan New Testament

³ Nahe faia lele he mea e koutou e ala i te manatu fakapito pe ko te fāfia, kae fai i te loto maulalo, ma ke fakamuamua lava te manatu, e hili atu te tāua o iētahi tino i lo koutou.

Filipi 2:3 Iomraidhean Croise

Luka 18:14

Kua vāgana atu ia Iehu, “E lea atu au ki a te koutou, ko te aolāfoga kae hē ko te Falehaio te tino e hako i mua o te Atua i te fanoga ki tona fale. Auā ko nā tino e loto fakamaualuga, ka fakamaulalogia! Ka ko nā tino e lotomaulalo, ka fakaeke ki luga ma kavea ma tagata takutakua.”

Loma 12:10

Ke alofa tētahi ki tētahi e vē ni uho, ma tauva ke hili atu te fakaaloalo o tētahi i lo tētahi.

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

Loma 2:8

Kae ka fakaalia tona ita ma tona tōkahā ki a te ki lātou e manatu fakapito ma teteke ki te mea e hako, kae ke mulimuli ai pea ki lātou ki te mea e hehē.

1 Kolinito 15:9

Auā ko au te pito fakatauva i nā apohitolo uma — e hē aogā foki au ke takua he apohitolo, auā ko au nae fakahāuā ki te Ekalehia a te Atua.

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

Kalatia 5:15

Kae kāfai koutou e tūmau pea te takati ma te fakaogohia o tētahi ki tētahi e vē ko uiga o nā manu fekai, koutou la ke mataala auā e i na ka fakaumatia kātoa tētahi e tētahi.

Kalatia 5:26

Kae nahe ki tātou fia hili, pe fakatīgā tētahi ki tētahi, pe mata pipiko tētahi ki tētahi.

Efeho 4:2

Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi.

Efeho 5:21

Ke tuku atu kātoatoa tētahi ki te pule a tētahi ona ko te koutou fakaaloalo lahi ki a Keliho.

Filipi 2:14

Fai autou gāluega uma e aunoa ma te mūimui pe tauaikupu,

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

Kolohe 3:8

Kae nei, kua tatau ke tīaki e koutou nā mea uma iēnei: ko te loto fekai, ko te nauloto ma nā lagona kino. Nahe i ei lele ni kupu fakakino, pe ni kupu palapalā e hau mai outou gutu

1 Timoteo 6:4

kua fefete i te fāfia kae e hē ia iloa he mea e fokotahi. E fiafia oi fakavevehi ma fai fīnauga ki te uiga o nā kupu, ma fakatupu ai te lotokino, te tauaimiha, te tau fakakino, te māhalohalo kino,

1 Petelu 3:8

Ko te toe mea e lea atu ai au: ko koutou uma lele e tatau ke tutuha outou manatu ma outou lagona; alofa tētahi ki tētahi e vē ni tuagane ma ni tuafafine, ma ke agalelei ma loto maulalo tētahi ki tētahi.

1 Petelu 5:5

E vēnā foki koutou te tupulaga, e tatau koutou ke uhitaki lelei ki toeaina. Ma e tatau koutou uma ke maua i te loto maulalo ma fehoahoani tētahi ki tētahi, e vē oi lea mai te tuhituhiga paia, “Ko te Atua e teteke ki nā tino fakamaualuga, kae alofa ki nā tino loto maulalo.”