Filipi 2:2 - Tokelauan New Testament

² Ko au la e naunau lele ke fakakātoatoa e koutou toku fiafia, kāfai koutou e tahi i te manatu, tahi i te alofa, ma tahi i te loto ma te māfaufau.

Filipi 2:2 Iomraidhean Croise

Ioane 3:29

Ko te tama fakaipoipo, ko te tino ia e a ia te teine fakaipoipo; ko te uō a te tama fakaipoipo e tū i ona tafa ma fakalogologo ki ei, e fiafia lele kāfai e ia lagona atu te leo o te tama fakaipoipo. Nei la, ko toku fiafia kua kātoatoa.

Gāluega 1:14

Nae maopoopo ho ki lātou oi tatalo fakatahi, ma nae i ei ai ma nā fafine vēnā ma Malia te mātua o Iehu ma nā uho o Iehu.

Gāluega 2:1

Kua pa ki te aho o te Penitekoho, oi fakapotopoto ai ki lātou uma kua talitonu, ki he mea e fokotahi.

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

Gāluega 5:12

E lahi nā vāvega ma nā fakailoga na fai e te kau apohitolo i te mea nae i ei ia tagata. Ko nā tino uma lele kua talitonu ki a Iehu kua fakapotopoto fakatahi i te Poletito o Holomona.

Loma 12:16

Koutou ke ola fealofani. Koutou nahe fia hihili, kae fakamāhani ki nā tino loto maulalo. Koutou nahe fia popoto.

1 Kolinito 1:10

I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

2 Kolinito 2:3

Ko te ala ia na tuhi atu ai taku tuhi tēnā ki a te koutou — ko au e hēki fofou ko au ke fanatu ke fakamahiahi e nā tino na tatau ke ki lātou faia nā mea e fakafiafia mai ki a te au. Auā e mautinoa lelei e au, kāfai au e fiafia, ko koutou uma foki e fiafia.

2 Kolinito 7:7

E hē nā ko te hau o Tito te na ala ai to mātou fiafia, kae na vēnā foki to mātou fiafia i tana līpoti ko koutou nae fakamālohi ake ki a te ia. Na taku mai e ia e uiga ki te koutou naunau lahi ke feiloaki ma au, te koutou halamō ki te mea na tupu, te koutou naunau ke lagolago mai ki a te au; ko te mea ia kua hili atu ai toku fiafia i te taimi nei.

Filipi 1:4

ma i taimi uma e tatalo ai au mo koutou uma, ko au e tatalo ma toku loto fiafia

Filipi 2:16

i nā taimi e folafola ai e koutou te fekau o te ola. Kāfai e koutou faia te mea tēnei, ka fai tēnā ma mea e fāfia ai au i te Aho o Keliho, auā e fakaali mai ai i kinā ko aku taumafaiga uma ma aku gāluega, e hēki māumau.

Filipi 2:20

Ko ia oioti te tino e tutuha o mā loto, ma e alofa moni atu ki a te koutou.

Filipi 4:2

Euotia ma Hutuke, ko koulua ni tino e o te Aliki, ma ko te mea ia e talohaga atu ai au, ke fakauma loa nā fekehekeheakiga o koulua.

Kolohe 2:5

Auā e ui lava ko au e hē i kinā ma koutou, kae ko toku agaga e i ei fakatahi ma koutou, ma ko au te fiafia i toku kikila atu ki te mau o tautou tutū fakatahi, i te fakatuatua ki a Keliho.

2 Tehalonia 2:13

E tatau ki mātou ke fakafetai ki te Atua i taimi uma mo koutou, te kau uho, koutou iēnā e alofa ki ei te Aliki. Auā ko koutou na filifilia muamua e te Atua ke fakaola e ala i te mana o te Agaga ke kavea ai koutou ma ona tagata paia, ma e ala i te koutou talitonu ki te meamoni.

2 Timoteo 1:4

E manatua e au ō loimata, ma ko au kua fia feiloaki lele ma koe, kae ke fakatumu ai au i te fiafia.

Filemoni 1:20

Io te uho, e fia kō mauagia he fehoahoani mai ia te koe mo te gāluega a te Aliki; toku uho ia Keliho, fakafiafia mai ko toku loto e koe.

2 Ioane 1:4

Kai te lahi o toku fiafia i te kō iloaga ko iētahi o fānau a koutou e mulimuli ki te meamoni, e vē lava oi fakatonu mai ai ki tātou e te Tamana.

3 Ioane 1:4

E hēai he mea e hili atu ona fiafia ai au i lo toku fakalogo atu ko taku fānau e ola i te meamoni.