Filipi 2:13 - Tokelauan New Testament

¹³ auā ko te Atua e galue pea lava i taimi uma i loto ia te koutou, ke mafai ai ke i ei outou loto ma uhitaki ki te mea e finagalo ia ki ei.

Filipi 2:13 Iomraidhean Croise

Luka 12:32

“Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Ioane 3:27

Kua tali atu ia Ioane, “E hēai he mea e fokotahi e mafai ke maua e he tino, vaganā te mea e fōki ki ei e te Atua.

Ioane 6:45

Na tūhia e nā pelofeta, ‘Ko tagata uma ka akoakogia e te Atua.’ Ko nā tino uma e fakalogo ki te Tamana ma maua ho lātou akoakoga mai ia te ia, e ōmamai ki a te au.

Ioane 6:65

Oi toe lea vē atu ai, “Ko te mea tonu lava tēnei na ala ai toku lea atu, e hē mafai ni tino ke ōmamai ki a te au, vaganā e uga mai e te Tamana.”

Gāluega 11:21

Na fehoahoani lahi te Atua ki a te ki lātou ma e tokalahi lele nā tino na talitonu ma liliu ki te Aliki.

Loma 12:3

Ma e ona ko te meaalofa a te Atua ki a te au, e lea vēnei atu ai au ki a te koutou tau tokatahi uma: Ia koutou lele nahe manatu ko koutou e hili atu te lelei i lo i te tūlaga moni e i ei ai koutou. Kae e tatau koutou ke tukutuku ki lalo outou manatu, ma fuafua te tūlaga e i ei koutou ki te lahi o te fakatuatua kua fōki atu e te Atua ki a te koutou.

Loma 9:11

Kae ko hēki fānanau mai foki lava ki lāua pe kua ki lā faia he mea lelei pe he mea kino, kae kua uma te lea o te Atua ki a Lepeka, ko tona ataliki matua ka fai ma kaukauna a te ataliki tamaiti. Na lea vēnei te Atua kae ke kitea ai e fai lava e ia ana tonu, ma e hēki faia ona ko he mea a he tino o ki lāua na fai.

Loma 9:16

Ko te mea ia, ko nā mea uma lele e hē fakalagolago ki te mea a te tagata e fai pe ko te mea e fofou ki ei, kae e fakalagolago oioti ki te alofa fakahao o te Atua.

1 Kolinito 12:6

E i ei nā itūkāigā mālamalama kehekehe e fakatino ai nā tautuaga, kae ko te Atua lava e fokotahi te maua ai te mālamalama e tagata uma, mo a lātou gāluega e tautua ai.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

2 Kolinito 3:5

E hēai ho mātou iloa ke mafai ai ke lea ki mātou e ki mātou mafaia oi fai tana gāluega. Ko te Atua lava te na ia fōki maia ki a te mātou, te iloa ma te mafai;

Efeho 1:11

Ko nā mea uma e fakatino e tuha ai ma te fuafuaga vēnā ma te finagalo o te Atua; ma kua filifilia ki tātou e te Atua ke fai ma ona tagata i te hokotaga ma Keliho, ona ko te mea lava ia na fofou ia ki ei mai te kāmataga.

Efeho 1:5

na tonu ai muamua i te Atua, ke fai ki tātou ma ana fānau e auala ia Iehu Keliho — ko te mea tēnei na fiafia ma fofou ia ke fai.

Efeho 1:9

na fakatino ai e te Atua te mea na fofou ia ke fai, ma fakailoa mai ki a te ki tātou tana fuafuaga lilo kua uma te tonu ia te ia ke fakataunuku e ala ia Keliho.

Efeho 2:8

Auā ko te alofa tūnoa o te Atua te kua fakaola ai koutou e ala i te fakatuatua. E hē ona ni gāluega e a koutou lava na fai, kae ko he meaalofa mai te Atua kae ke nahe fāfia tauanoa ai he tino.

2 Tehalonia 1:11

Ko te mea ia e tatalo ai pea lava ki mātou mo koutou. Ko ki mātou e tatalo ki to tātou Atua, ke kavea koutou ma tagata e tatau ma onomea mo te itūkāigā ōlaga kua ia kalagagia ai koutou ke ola ai. Ke fakataunuku e ia i tona mana, outou manakoga uma lele mo nā mea lelei, ma fakataunuku autou gāluega e fai ona ko te koutou fakatuatua.

2 Timoteo 1:9

Ko ki tātou na fakaola e te Atua ma ia filifilia ke kavea ma ona tagata, e hē ona ko nā gāluega kua ki tātou faia, kae ona ko ana lava fuafuaga ma tona alofa tūnoa. Na ia fōki maia tona alofa tūnoa tēnei e ala ia Keliho Iehu, ka ko hēki faia te lalolagi,

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,