Filipi 2:12 - Tokelauan New Testament

¹² Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

Filipi 2:12 Iomraidhean Croise

Mataio 11:12

Mai nā aho na tālaki ai e Ioane tana fekau ke pa mai ki te taimi nei, ko te Mālō o te lagi kua āfāina i nā fakahāuāga, ma nā tino fakahāuā e taumafai ke ki lātou pukeagia fakamālohi.

Mataio 11:29

Kave taku amo oi tuku ki outou luga ma fakatakitaki mai ki a te au, auā ko au e agamalū ma loto maulalo; ma maua ai e koutou he mapu.

Gāluega 16:29

Na kalaga loa te leoleo falepuipui ke kaumai he mōlī, ma matele atu ai ki loto o te falepuipui ma fakapakū ki nā vae o Paulo ma Hila, ma e tatapa i te mataku.

Gāluega 9:6

Kae tū ki luga oi fano ki te kakai, ko kinā ka taku atu ai ki a te koe tau mea e tatau ke fai.”

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

1 Kolinito 2:3

Ma i te kāmataga, ko au nae vāivai ma tete i te mataku,

1 Kolinito 4:14

Ko au e hē tuhi vēnei atu ke fakamahiahi koutou, kae ke fakatonu atu koutou nā fānau e pele ia te au.

2 Kolinito 7:15

E alofa lahi lele atu ia Tito ki a te koutou uma, kae maihe lava kāfai e ia manatua te uhitaki o koutou uma ki nā mea nae lea atu ai, vēnā ma te gatete ma te mātataku o koutou, i te taimi na feiloaki ai koutou.

Efeho 6:5

Ko koutou pologa, uhitaki ki outou matai fakatetino i te mataku ma te gatete; fai te mea tēnei ma te loto fakamāoni moni, e vē lava ko koutou e kaukauna ki a Keliho.

Filipi 1:27

Ko te mea la e tāua, ke olo tutuha te ōlaga e ola ai koutou ma nā mea e lea mai ai te Tala Lelei a Keliho, ma e tuha lava pe fanatu au pe hēai, ka iloa e au ko koutou e tutū fakatahi, ma e tahi te fakamoemoe ma tahi te lagona e tau ai koutou mo te Tala Lelei.

Filipi 1:29

Auā kua fōki atu ki a te koutou te avanoa fakapitoa ke kaukauna ai koutou ki a Keliho, e hē gata ona ko koutou e talitonu pea lava ki a te ia, kae ona foki ko koutou e maua pea lava i nā puapuagā ona ko ia.

Filipi 1:5

ona ko tautou fehoahoani ki a te au i te tālakiga o te Tala Lelei, mai te aho muamua ke pa mai nei.

Filipi 1:6

E mautinoa e au ko te Atua, tē na ia kamatagia te gāluega lelei i loto ia te koutou, ka galue pea lava ke pa ki te fakaikuga i te Aho o Keliho Iehu.

Filipi 2:19

Kāfai e tuha ai ma te finagalo o te Aliki, ko au e fakamoemoe ka mafai e au oi uga atu ia Timoteo ki a te koutou i he taimi pili mai, kae ke maua mai ai ni tala e uiga ki a te koutou, e fakamākeke ātili mai ki a te au.

Filipi 4:1

Ko te mea ia te kau uho, ko koutou e pele ia te au ma ko au te manatu atu ki a te koutou! Kua koutou faia nā mea e fiafia lahi ma fāfia ai au. Ko te mea ia te kau uho pele, ke vēnā foki lava ona mautū te koutou talitonu ki te Aliki.

Filipi 4:15

E iloa lelei lava e koutou iēnā i Filipi, i te fano kehega o oku ma Maketonia i te kāmataga o te tālakiga o te Tala Lelei, e hēai hētahi Ekalehia na gālulue fakatahi ki mātou na fōki maia ki a te au he fehoahoani ma talia e au, kae vaganā ai lava koutou.

1 Tehalonia 1:3

Auā e manatua e ki mātou i mua o to tātou Atua ma te Tamana, autou gāluega lelei e fai ona ko te koutou talitonu ma te koutou alolofa, ma te tūlaga mautū e i ei te koutou fakatuatua ki te Aliki ko Iehu Keliho.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Epelu 4:1

Ko te folafolaga a te Atua e uiga ki te nuku e maua ai e ki tātou te malōlōga, e i ei pea lava. E tatau la ki tātou ke fakaeteete, nā he tino o koutou e hē ia mauagia te malōlōga kua folafola mai.

Epelu 4:11

Tātou taumafai la ma te fakamākeke ke maua e ki tātou te malōlōga tēnā, kae ke nahe i ei he tino e pakū e vē ko te mea na pa ki lātou ki ei, ona ko to lātou hē fakatuatua.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

1 Petelu 2:11

Ko au e vēnei atu ki a te koutou te kau uho pele, koutou iēnā e nonofo e vē ni tino kehe ma ni tino e fakaaunukua i te lalolagi tēnei! Koutou nahe mulimuli ki tuinanauga o te tino, iē e fakahaga tau pea lava ki nā mea uma e lelei i loto ia te koutou.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.