Filipi 2:1 - Tokelauan New Testament

¹ Ko te ōlaga o koutou i te māfutaga ma Keliho e mākekeke ai koutou, ma ko tona alofa e fakamāfanafana ki a te koutou. Kua i te māfutaga fakatahi koutou ma te Agaga, ma kua ia te koutou te agalelei ma te tīgā alofa o tētahi ki tētahi.

Filipi 2:1 Iomraidhean Croise

Luka 2:25

I te vāitaimi tēnā, nae i ei he tino nae igoa ki a Himeona nae nofo i Ieluhalema. Ko he tino lelei ma mataku i te Atua, ma nae fakatalitali ke laveaki e te Atua ia Ihalaelu. Nae fakatahi te Agaga Paia ma ia,

Ioane 14:18

“Ko koutou e hē kō tuku tiakia ke vē ni tamaiti mātua oti; ko au e toe hau ki a te koutou.

Ioane 14:27

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Ioane 17:13

Kae nei, ko au ka fanatu ki a te koe, ma ko au e tautala i nā mea iēnei i te lalolagi, kae ke fakatumulia ai o lātou loto, i toku fiafia.

Gāluega 2:46

I aho takitahi uma, e fakapotopoto fakatahi ki lātou i loto o te Mālumalu ma kakai fakatahi fakaholoholo i nā fale o ki lātou, i te agaga fiafia ma te loto maulalo,

Gāluega 4:32

Kua gātahitahi ia loto ma māfaufau o te vāega kua talitonu ki a Iehu. E hēai lele he tino o ki lātou na lea ko ana meatōtino e a ia lava, kae na ki lātou fakaaogā fakatahi nā mea uma lele a ki lātou tau tokatahi.

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

Loma 8:26

E vēnā foki ona fehoahoani mai te Agaga i nā mea e vāivai ai ki tātou. Auā e hē iloa e ki tātou oi tatalo e vē ona tatau ke tatalo ai ki tātou; ko te Agaga lava ia e ole atu ki te Atua mo ki tātou ma te ōi e hē mafai ke fakamatalagia i ni kupu.

1 Kolinito 12:13

E vēnā foki la ki tātou uma, pe ko ki tātou ni tagata Iutaia pe ni tagata nukukehe, pe ni pologa pe ni tagata haoloto, ko ki tātou uma kua papatiho e te Agaga e fokotahi ki loto o te tino e fokotahi, ma kua tuku e te Atua te Agaga tēnei e fokotahi ki loto o nā loto o ki tātou uma lele.

1 Kolinito 15:31

Te kau uho, ko toku ola e lamatia pea lava i aho uma! Ko toku mitamita ona ko koutou i te māfutaga ma Keliho Iehu to tātou Aliki, kua mafai ai au ke lea vēnei atu.

1 Kolinito 3:16

E hē koutou iloa ko koutou ko te mālumalu o te Atua, ma ko te Agaga o te Atua e nofo i loto ia te koutou?

2 Kolinito 2:14

Kae fakafetai ki te Atua, auā i te māfutaga ma Keliho ko ki mātou e takitakia pea lava e ia e vē ni pagotā, i te holo e fakailoa ai te manumālō o Keliho. Ko ki mātou e fakaaogā e te Atua ke fakahalalaua te tala ki a Keliho ke vē he meamanogi manaia, ki ho he koga.

Kalatia 4:6

Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Efeho 4:4

E tahi te tino ma tahi te Agaga, e vē foki lava oi tahi te fakamoemoe kua kalagagia ai koutou e te Atua.

Filipi 1:8

E iloa e te Atua te naunau lahi o toku loto ke feiloaki ki tātou. E ia iloa ko au e alofa lele atu ki a te koutou e vē foki lava ko te alofa o Keliho Iehu.

Filipi 3:3

Ko ki tātou nā tino kua mauagia te pelitome moni, auā ko ki tātou e tāpuaki ki te Atua e ala i tona Agaga, ma ko ki tātou e fiafia i to tātou ola i te māfutaga ma Keliho Iehu. E hē fakamoemoe ki tātou ki faiga a tagata i te kikila atu i fafo.

Kolohe 2:2

E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

Epelu 6:18

Ko nā mea la iēnei e lua, e hē mafai ke toe huia ma e hē mafai te Atua ke pepelo e uiga ki ei. Ko ki tātou la iē kua maua te haogalēmū i te Atua, ka ātili mautū ai to tātou pipiki ki te fakamoemoe kua ia kaumaia ki a te ki tātou.

1 Petelu 1:2

Ko koutou na filifilia e tuha ai ma fuafuaga a te Atua te Tamana, ma na fakapaiagia e tona Agaga, ke uhitaki ki a Iehu Keliho ma ke fakamamāgia i tona toto. Ke tūmau pea ia te koutou te alofa tūnoa ma te fīlēmū o te Atua.

1 Ioane 3:24

Ko nā tino e uhitaki ki nā mea kua fakatonu mai e te Atua, e tūmau te tahi o ki lātou i te māfutaga ma te Atua, ma ko te Atua e tūmau te tahi o ia i te māfutaga ma ki lātou. Ma e ona ko te Agaga kua fōki mai e te Atua ki a te ki tātou, kua iloa ai e ki tātou ko te Atua e tūmau te tahi o ia ma ki tātou, e ala i te Agaga kua ia fōki maia ki a ki tātou.

1 Ioane 4:12

E hēai he tino na kua ia kitea te Atua, kae kāfai ki tātou e alofa tētahi ki tētahi, ko te Atua e ola i te māfutaga ma ki tātou, ma ko tona alofa kua kātoatoa te lelei i loto o ki tātou.

1 Ioane 4:16

Ma kua iloa lelei lava e ki tātou ma kua talitonu ki tātou, ki te alofa o te Atua mo ki tātou. Ko te Atua ko te alofa, ma ko nā tino e alolofa, e ola ki lātou i te māfutaga ma te Atua, ma ko te Atua e ola i te māfutaga ma ki lātou.