Filemoni 1:22 - Tokelauan New Testament

²² Ko tētahi mea la, hāuni ko he potu mo oku, auā ko au e fakamoemoe ka tali mai te Atua ki autou tatalo, ma ka mafai ai au ke toe fanatu ki a te koutou.

Filemoni 1:22 Iomraidhean Croise

Gāluega 27:24

oi lea vē mai, ‘Paulo, ia koe nā mataku! Ko koe e tatau ke tū i mua o te Kaihala. Ko te agalelei o te Atua ki a te koe, kua fakahao ai ia ola o nā tino uma e faimalaga fakatahi koutou.’

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.

Loma 15:24

kua i ei ai he fuafuaga ko au ka fanatu. Ko au e fofou ke afe atu i taku malaga ki Hepania, ma ke fehoahoani koutou ke vave pa au ki ei, kāfai e uma he tātou māfutaga fiafia mo hina taimi.

2 Kolinito 1:11

E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

Filipi 1:19

auā e iloa e au ko autou tatalo fakatahi ai ma te fehoahoani mai o te Agaga o Iehu Keliho, ka tatala ai au mai oku noanoataga.

Filipi 2:24

Ma e talitonu au, kāfai e tuha ai ma te finagalo o te Aliki, ka mafai foki au ke vave pa atu ki a te koutou.

Epelu 13:19

Ko au e toe talohaga atu lava ko koutou ke tatalo fakapitoa ki te Atua, ke mafai au ke ia toe uga atua ki a te koutou, i he taimi lata mai.

Epelu 13:23

Ko au e fofou ke iloa e koutou ko te koutou uho ko Timoteo, kua tatala ki tua mai te falepuipui. Kāfai e vave mai, ka oatu fakatahi ki māua ke kikila koutou.

Iakopo 5:16

Ko te mea ia, e tatau ke fakamāhani koutou i te takutaku atu o agahala a tētahi ki tētahi ma tatalo tētahi mo tētahi, kae ke mālōlō ai koutou. Ko te tatalo a te tino lelei, e mālohi ma e fehoahoani lahi lele ki a te ia.

2 Ioane 1:12

E lahi lele nā mea e fia lea atu ai au ki a te koutou, kae ko au e hē fofou ke tuhi i he pepa ma he peni; ko au e fia fanatu oi kikila koutou ma ke talanoa fakatahi ai ki tātou, kae ke kātoatoa ai to tātou fiafia.

3 Ioane 1:14

E fakamoemoe au ka feiloaki ki tātou i he taimi lata mai, oi kua faitatala fakatahi ai ki tātou.