Filemoni 1:19 - Tokelauan New Testament

¹⁹ Tēnei ka tuhi e au ki lalo i toku lima: Ko au ko Paulo, ka toe totogi atu e au taku kaitālafu ki a te koe. (E hē tau kō fakamanatu atua foki ko koe e nofo kaitālafu mai ki a te au e ala i tō ōlaga fou ia Keliho.)

Filemoni 1:19 Iomraidhean Croise

Loma 16:22

Ko au, ko Tetiahi, tē na tuhiagia te tuhi tēnei, e fakafeiloaki atu ki a te koutou i te igoa o te Aliki.

1 Kolinito 4:15

Auā e ui lava e hē mafai taulia te tokalahi o nā takitaki o koutou i te ōlaga faka-Kelihiano, e fokotahi oioti lava te koutou tamana. Kua fai au ma outou tamana, i te māfutaga ma Keliho Iehu, ona na kō kaumaiagia te Tala Lelei ki a te koutou.

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

2 Kolinito 3:2

Ko koutou lava iēnā ta mātou tuhi fakamāonia, kua tūhia i o mātou loto ke iloa ma faitau ki ei ia tagata uma.

2 Kolinito 9:4

Kae kāfai ni tino mai Maketonia e oatu ma au, ma papā atu ki mātou ko koutou ko hēki hāuni, te fakamā lele o te mea e pa ki mātou ki ei — kae vēhea ai la te takuvalea lele o koutou — i te mautinoa e koutou e koutou mafaia.

Kalatia 5:2

Fakalogo lelei mai! Ko au ko Paulo, ma e lea atu au ki a te koutou, kāfai e talia e koutou ko koutou ke pelitome, ko tona uiga e hēai lele la he aogā o Keliho ki a te koutou.

Kalatia 6:11

E koutou kitea te matamata lalahi o nā mataituhi kua tuhi ai taku tuhi mo koutou i toku lava lima!

1 Timoteo 1:2

Ki a Timoteo, toku ataliki moni i te talitonuga faka-Kelihiano: Ke ia te koe te alofa tūnoa, te agalelei ma te fīlēmū mai te Atua te Tamana ma Keliho Iehu to tātou Aliki.

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Filemoni 1:18

Kāfai na fai e ia he mea kino ki a te koe, pe kaitālafu atu ki a te koe i ho he mea, tuhi ifo ki toku igoa nā mea iēnā.