Filemoni 1:16 - Tokelauan New Testament

¹⁶ I te taimi nei la, ko Onehimahi e hē nā ko he pologa, kae e hili atu lele ia i lo he pologa: ko ia ko he uho pele ia Keliho. Kai au te alofa ko ki ei! Kae e vēhea ake nei la te lahi lele atu o tō alofa ki ei, e hē gata ona ko he pologa kae i tētahi itū, ko he uho foki e ala i te Aliki!

Filemoni 1:16 Iomraidhean Croise

Mataio 23:8

Kae ko koutou e hē takua lele ni ‘Faiakoga,’ auā e tutuha uma koutou, ma e fokotahi oioti lava te koutou Faiakoga.

Gāluega 9:17

Oi fano ai loa ia Anania, kua ulu atu ki te fale nae i ei ia Haulo, ma fakaeke ona lima ki luga o Haulo ma lea vē atu ki ei, “Haulo toku taina, ko au kua uga mai e te Aliki ko Iehu. Ko ia te na fakaali atu ki a te koe i te auala ka kua tāli pa mai koe ki kinei. Na ia uga maia au kae ke mafai ke toe kikila ō mata ma ke fakatumugia koe i te Agaga Paia.”

1 Kolinito 7:22

Auā ko he pologa na kalagagia e te Aliki, ko he tino tēnā e haoloto i te Aliki; e vēnā foki la he tino e haoloto na kalagagia e te Aliki, e kavea ia ma pologa a Keliho.

Kolohe 3:22

Koutou nā pologa, uhitaki ki outou matai fakatetino i nā mea uma lele, nahe koutou uhitaki oioti ona e kikila atu kae ke taku leleia ai koutou; kae fai ma te koutou loto fakamāoni, ona ko koutou e mātataku i te Aliki.

1 Timoteo 6:2

Ko nā pologa ni Kelihiano o lātou matai, e hē tatau ke feita ki o lātou matai ona ko ki lātou uma ni uho a Kelihiano. Kae e tatau ke hili atu ona lelei te lātou tautua, ona ko nā tino e manuia ia lātou gāluega, ko nā uho a Kelihiano foki lava e alolofa ki lātou ki ei. E tatau ke akoako ma fakamālohia e koe nā tiute iēnei.

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

1 Ioane 5:1

Ko ai lava e talitonu ko Iehu ko te Mehia, ko he fānau tēnā e a te Atua; ma ko ai lava e alofa ki he tamana, e alofa foki ki tana fānau.